കല്പ്പറ്റ: വയനാട് ബത്തേരി സര്വജന വൊക്കേഷണല് ഹയര് സെക്കന്ഡറി സ്കൂളില് പാമ്പു കടിയേറ്റ് മരിച്ച ഷെഹ്ലയുടെ കുടുംബത്തോട് മാപ്പ് ചോദിച്ച് വിദ്യാഭ്യാസമന്ത്രി സി.രവീന്ദ്രനാഥ്. ഷെഹ്ല ഷെറിന്റെ വീട്ടിലെത്തിയാണ് കുടുംബാംഗങ്ങളെ നേരിട്ട് കണ്ടത്. ഷെഹ്ലയുടെ പിതാവിനെ കെട്ടിപ്പിടിച്ച് ആശ്വസിപ്പിച്ച സി.രവീന്ദ്രനാഥിനൊപ്പം മന്ത്രി വി.എസ്. സുനില് കുമാറും ഒപ്പമുണ്ടായിരുന്നു.
സംഭവത്തില് കുറ്റക്കാര്ക്കെതിരെ കര്ശനമായി നടപടിയെടുക്കുമെന്ന് മന്ത്രി അറിയിച്ചു. മരിച്ച കുട്ടിയുടെ കുടുംബത്തിന് സര്ക്കാര് ധനസഹായം നല്കും. അപകടമുണ്ടായ സര്വജന സ്കൂളിന് നേരത്തെ പ്രഖ്യാപിച്ച തുകയ്ക്ക് പുറമെ വിദ്യാഭ്യാസ വകുപ്പ് രണ്ട് കോടി രൂപ കൂടി നല്കുമെന്ന് രവീന്ദ്രനാഥ് കൂട്ടിച്ചേര്ത്തു. ഷെഹ്ലയുടെ വീട് സന്ദര്ശിച്ച ശേഷം ഷെഹ്ല പഠിച്ചിരുന്ന സര്വജന സ്കുളിലും മന്ത്രിമാര് സന്ദര്ശനം നടത്തി. കല്പ്പറ്റയിലും ബത്തേരിയിലുമായി മന്ത്രിമാര്ക്കു നേരെ വിവിധ യുവജന സംഘടനകളുടെ വ്യാപക പ്രതിഷേധം ഉണ്ടായി.
