കോട്ടയം: റിട്ട. എസ്.ഐയെ തലയ്ക്കടിച്ചുകൊന്നകേസില് പോലീസ് കസ്റ്റഡിയിലെടുത്തു യുവാവ് ഓടി രക്ഷപ്പെട്ടു. എന്നാല് വിട്ടയച്ചതാണെന്ന വാദവുമായി പോലീസ്. ഗാന്ധിനഗര് മുന് എസ്.ഐയായിരുന്ന തെള്ളകം മുടിയൂര്ക്കര പറയകാവില് സി.ആര്. ശശിധരന്(62) കൊല്ലപ്പെട്ട സംഭവത്തില് ഗാന്ധിനഗര് പോലീസ് കസ്റ്റഡിയിലെടുത്ത അയല്വാസി സിജുവാണു രക്ഷപെട്ടത്. സിജുവിന്റെ അറസ്റ്റ് രേഖപ്പെടുത്താനിരിക്കെയാണു പ്രതി ഓടി രക്ഷപെട്ടത്.
ഇന്നലെ െവെകിട്ട് ആറുമണിയോടെയാണു സംഭവം. ഞായറാഴ്ച മുതല് പോലീസ് കസ്റ്റഡിയിലായിരുന്ന സിജു കുറ്റം സമ്മതിച്ചിരുന്നില്ല. ഇതേത്തുടര്ന്നു പ്രതിയാണെങ്കില് ഓടിപ്പോകുമോയെന്നു പരീക്ഷിക്കുന്നതിനായി െകെയിലെ വിലങ്ങ് അഴിയ്ക്കുന്നതിനിടെ പോലീസിനെ തള്ളിമാറ്റി സ്റ്റേഷനു സമീപമുള്ള നിത്യാ ബാറിലേയ്ക്കു സിജു ഓടിക്കയറുകയായിരുന്നുവെന്നാണു ലഭിക്കുന്ന വിവരം. പോലീസ് പിന്നാലെയെത്തിയെങ്കിലും ഇയാള് ബാറിന്റെ പിന്നിലൂടെയുള്ള വഴിയേ സമീപത്തെ പാടത്തേയ്ക്കിറങ്ങി ഓടി.
പിന്തുടര്ന്നെങ്കിലും സിജുവിനെ കണ്ടെത്താനായില്ല. ശശിധരനുമായി സിജുവിനു വഴി തര്ക്കമുണ്ടയിരുന്നുവെന്നും ഇതാണു കൊലപാതകത്തിനു പിന്നിലെന്നുമാണ് പോലീസന്റെ നിഗമനം. എന്നാല്, കൊലപ്പെടുത്താന് ഉപയോഗിച്ച ആയുധമോ, മറ്റെെന്തങ്കിലും തെളിവുകളോ ലഭിച്ചിട്ടില്ല. സമാനമായ രീതിയില് സിജുവില് നിന്നു തലയ്ക്കടിയേറ്റിരുന്നു എന്ന പരാതിയുമായി സമീപവാസികളായ ഒന്നിലേറെ പേര് ഞായറാഴ്ചയും ഇന്നലെയുമായി പോലീസ് സ്റ്റേഷനില് എത്തിയിരുന്നു. കസ്റ്റഡിയിലുള്ളയാളെ പോലീസ് വിശദമായി ചോദ്യം ചെയ്തെങ്കിലും കുറ്റം ചെയ്തതായി സമ്മതിക്കുന്നില്ല. 'ഞാന് എന്തിനു ശശിധരന് സാറിനെ കൊല്ലണമെന്ന' മറുചോദ്യമാണ് ഇയാള് ചോദിക്കുന്നത്.
കൊല്ലാനായിരുന്നുവെങ്കില് താനുമായി ശത്രുതയുണ്ടായിരുന്ന മുഴുവന് പേരെയും കൊല്ലേണ്ടതായിരുന്നില്ലേയെന്നും സിജു ചോദിക്കുന്നു. ഇതേത്തുടര്ന്നാണു പോലീസ് പ്രതിയുടെ വിലങ്ങഴിച്ചു പരീക്ഷണത്തിനു തയാറായത്. ഞായറാഴ്ച കസ്റ്റഡിയില് എടുത്ത് 24 മണിക്കൂര് ചോദ്യം ചെയ്തെങ്കിലും, ശശിധരനെ കൊലപ്പെടുത്തിയത് ഇയാള് അല്ലെന്നുള്ള ധാരണയില് വിട്ടയച്ചതാണെന്നും എപ്പോള് വിളിച്ചാലും എത്തിച്ചേരണമെന്ന ഉറപ്പിന്മേല് വിട്ടയക്കുകയായിരുന്നുവെന്നും കേസ് അനേ്വഷിക്കുന്ന ഗാന്ധിനഗര് സി.ഐ. അനൂപ്ജോസ് പറഞ്ഞു. എന്നാല് രാത്രി െവെകിയും ഗാന്ധിനഗര് പോലീസ് സ്റ്റേഷന്, മെഡിക്കല് കോളജ് ആശുപത്രി പരിസരം എന്നിവിടങ്ങളിലായി വന്പോലീസ് സംഘത്തിന്റെ പരിശോധന പുരോഗമിക്കുകയാണ്.
ശശിധരനു മറ്റാരെങ്കിലുമായി ശത്രുതയുണ്ടായിരുന്നോയെന്നും ഇദ്ദേഹം സര്വീസിലുണ്ടായിരുന്ന കാലയളവില് ഇടപെട്ട കേസുകള് എന്നിവയെക്കുറിച്ചെല്ലാം പോലീസ് അന്വേണം നടത്തുന്നുണ്ട്. ഗാന്ധിനഗര് മേഖലയിലെ ഗുണ്ടാസംഘങ്ങളെ കേന്ദ്രീകരിച്ചും അന്വേഷണം നടത്തുന്നുണ്ട്. ശശിധരന്റെ മൃതദേഹം ഇന്നലെ വന് ജനാവലിയുടെ സാന്നിധ്യത്തില് സംസ്കരിച്ചു.
