ദുല്ഖര് സല്മാന് നായകനാകുന്ന കുറുപ്പിനായി ആരാധകര് കാത്തിരിക്കുകയാണ്. സുകുമാര കുറുപ്പിന്റെ ജീവിതത്തെ ആസ്പദമാക്കി ഒരുങ്ങുന്ന ചിത്രത്തെകുറിച്ചുള്ള ഓരോ വാര്ത്തയും ആരാധകര് ആഘോഷമാക്കുകയാണ്. ഇപ്പോഴിതാ ചിത്രത്തിന്റെ ഒരു ലൊക്കേഷന് ചിത്രമാണ് ആരാധകര്ക്കിടയില് ഓടി നടക്കുന്നത്.
ജാവയിലിരിക്കുന്ന ദുല്ഖറിന്റെ ചിത്രമാണ് വൈറലാകുന്നത്. ദുല്ഖറിന്റെ ലുക്കും ഗെറ്റപ്പുമെല്ലാം സിനിമയ്ക്കായുള്ള കാത്തിരിപ്പ് വര്ധിപ്പിക്കുന്നുണ്ട്. നേരത്തെ താരത്തിന്റെ പുതിയ ലുക്ക് സോഷ്യല് മീഡിയയില് വൈറലായിരുന്നു. നീളന് മുടിയും വീതിയുള്ള കൃതാവും താടിയുമെല്ലാം ആരാധകര്ക്ക് നന്നേ ബോധിച്ചിരുന്നു. ഇതിന് പിന്നാലെയാണ് പുതിയ ചിത്രവും വൈറലാകുന്നത്.
കേരളാ പോലീസിന്റെ പിടികിട്ടാപ്പുള്ളികളുടെ ലിസ്റ്റില് ഇപ്പോഴുമുള്ള വ്യക്തിയാണ് സുകുമാര കുറുപ്പ്. ഇയാളെ കുറിച്ചുള്ള പലതരത്തിലുള്ള കഥകള് ഇന്നും നാട്ടില് പ്രചരിക്കുന്നുണ്ട്. അതുകൊണ്ട് തന്നെ സുകുമാര കുറുപ്പിന്റെ ജീവിതത്തെ ആസ്പദമാക്കിയുള്ള സിനിമയ്ക്കായി ആരാധകര് കാത്തിരിക്കുകയാണ്.
കേരള ചരിത്രത്തിലെ ഏറ്റവും കുപ്രസിദ്ധനായ പിടികിട്ടാപ്പുള്ളി സുകുമാര കുറുപ്പിന്റെ ജീവിതം പറയുന്ന ചിത്രമാണ് കുറുപ്പ്. ചിത്രത്തിലെ ദുല്ഖര് സല്മാന് പുതിയ ലുക്ക് കഴിഞ്ഞ ദിവസമാണ് സോഷ്യല് മീഡിയയിലൂടെ പുറത്തായത്. ഇതിന് പിന്നാലെ ഇപ്പോള് ചിത്രത്തിന്റെ ലൊക്കോഷന് ചിത്രവും വൈറലാവുകയാണ്.
