ലണ്ടന്: ബ്രിട്ടീഷ്, ഫ്രഞ്ച്, കനേഡിയന് പ്രധാനമന്ത്രിമാര് കളിയാക്കി ചിരിച്ചതിന്റെ വീഡിയോ കണ്ട് കുപിതനായി അമേരിക്കന് പ്രസിഡന്റ് ഡൊണാള്ഡ് ട്രംപ് നാറ്റോ ഉച്ചകോടിയില് പകുതിക്ക് വെച്ച് ഇറങ്ങിപ്പോയി. ലണ്ടനില് നടന്ന ഉച്ചകോടിയില് നിന്നുമാണ് ട്രംപ് ഇറങ്ങിപ്പോയത്. ഉച്ചകോടി തീരും മുമ്പ് ഇറങ്ങിപ്പോയ ട്രംപ് നേരത്തേ തീരുമാനിക്കപ്പെട്ടിരുന്ന ശേഷമുള്ള വാര്ത്താസമ്മേളനവും റദ്ദാക്കി.
ബക്കിംഗ്ഹാം കൊട്ടാരത്തില് വെച്ച് നടന്ന ലോകനേതാക്കളുടെ യോഗത്തിലാണ് പ്രധാനമന്ത്രിമാര് പരിഹസിച്ച് ചിരിച്ചത്. ഇതിന്റെ വീഡിയോയില് ഫ്രഞ്ച് പ്രസിഡന്റ് ഇമ്മാനുവല് മാക്രോണ്, ബ്രിട്ടീഷ് പ്രധാനമന്ത്രി ബോറിസ് ജോണ്സണ്, കനേഡിയന് പ്രസിഡന്റ്് ജസ്റ്റിന് ട്രേൂഡോ, ഡച്ച് പ്രധാനമന്ത്രി മാര്ക്ക് റൂട്ടേ, ബ്രിട്ടീഷ് രാജകുമാരി ആന് എന്നിവരായിരുന്നു അമേരിക്കന് പ്രസിഡന്റിനെ പരിഹസിച്ചതും ചിരിച്ചതും. ബ്രിട്ടീഷ് പ്രധാനമന്ത്രി ജോണ്സണ് ഫ്രഞ്ച് തലവന് മാക്രോണിനോട് വൈകിയതിന് കാരണം ചോദിക്കുമ്പോള് മറുപടി നല്കുന്നത് ജസ്റ്റിന് ട്രൂഡോയാണ്. 40 മിനിറ്റ് ദൈര്ഘ്യമുള്ള ഒരു പത്ര സമ്മേളനം ഉണ്ടായിരുന്നു. അതുകൊണ്ടാകാം വൈകിയത് എന്നുള്ള ട്രൂഡോയുടെ മറുപടിയില് എല്ലാവരും ചിരിക്കുന്നുണ്ട്. ഉച്ചകോടിക്കിടെ ട്രംപ് ഒറ്റയ്ക്കും മറ്റുള്ളവരുമായി ചേര്ന്നും നടത്തിയ പത്ര സമ്മേളനങ്ങളെയാണ് ട്രൂഡോ ലക്ഷ്യമിട്ടതെന്ന് വ്യക്തം.
ഇതിനിടയില് മാക്രോണും ജോണ്സണും പറയുന്നത് വ്യക്തമല്ല. എന്നാല് എല്ലാവരും ഇതിന് ചിരിക്കുന്നുമുണ്ട്. എന്തായാലും പരിഹസിക്കുന്നതിന്റെ വീഡിയോ ദൃശ്യം കണ്ടതിന് പിന്നാലെ ട്രംപ് ഇറങ്ങിപ്പോയതായിട്ടാണ് റിപ്പോര്ട്ടുകള്. പിന്നാലെ ഇന്നത്തെ യോഗങ്ങള്ക്ക് ശേഷം താന് വാഷിംഗ്ടണിലേക്ക് തിരിച്ചു പോകുമെന്ന് ട്രംപ് ട്വിറ്ററില് ട്വീറ്റും ചെയ്തു. രണ്ടു ദിവസത്തിനിടയില് ആവശ്യത്തിലധികം വാര്ത്താസമ്മേളനത്തില് പങ്കെടുത്തു അതുകൊണ്ട് സമാപന വാര്ത്താസമ്മേളനം ഒഴിവാക്കുകയാണെന്നും ട്രംപ് പറഞ്ഞിട്ടുണ്ട്.
നാറ്റോ നേതാക്കളുമായി നല്ല ബന്ധം പുലര്ത്തുന്ന ആളാണ് താന്. നാറ്റോയ്ക് പ്രതിവര്ഷം 130 ബില്യണ് ഡോളര് കൂടുതല് ധനം നല്കാനും മൂന്ന് വര്ഷത്തിനുള്ളില് 400 ബില്യണ് ഡോളര് കൂടുതല് നല്കാനും ആവശ്യപ്പെട്ടിട്ടുണ്ട്. യുഎസിന് വര്ദ്ധനവ് ഇല്ല, ആഴത്തിലുള്ള ബഹുമാനം മാത്രം!' എന്നും ട്രംപ് ട്വീറ്റ് ചെയ്തു. വീഡിയോയെ കുറിച്ച് പ്രതികരിക്കവേ കനേഡിയന് പ്രസിഡന്റ് ജസ്റ്റിന് ട്രൂഡോയെ ദ്വന്തവ്യക്തിത്വം എന്നാണ്് ട്രംപ് വിശേഷിപ്പിച്ചത്. ജിഡിപിയുടെ 2% പ്രതിരോധത്തിനായി ചെലവഴിക്കണമെന്ന നാറ്റോയുടെ ലക്ഷ്യം നിറവേറ്റുന്നതില് കാനഡ പരാജയപ്പെട്ടതോടെ താന് ട്രൂഡോയെ വിളിച്ച് സംസാരിച്ചിരുന്നുവെന്നും, അദ്ദേഹം അതിലുള്ള ദേഷ്യം തീര്ത്തതായിരിക്കാമെന്നും ട്രംപ് പറഞ്ഞു.
