ഹൈദരാബാദ് : ഹൈദരാബാദില് വെറ്റിനറി ഡോക്ടറെ ബലാത്സംഗം ചെയ്ത് കൊലപ്പെടുത്തിയ ശേഷം മൃതദേഹം കത്തിച്ച കേസിലെ പ്രതികളെ വെടിവെച്ച് കൊന്ന കേസില് തെലങ്കാന പോലീസ് എടുത്ത നടപടിയെ അനൂകൂലിച്ച് ബാഡ്മിന്റണ് താരം സൈന നെഹ്വാള് രംഗത്ത് എത്തിയിരുന്നു.
മഹത്തരമായ കാര്യമാണ് നിങ്ങള് ചെയ്തതെന്നും നിങ്ങള്ക്ക് ബിഗ് സല്യൂട്ട് എന്നും സൈന ട്വിറ്ററില് കുറിച്ചു. വെള്ളിയാഴ്ച പുലര്ച്ചെയാണ് ഇവരെ പോലീസ് കൊലപ്പെടുത്തിയത്. തെളിവെടുപ്പിനായി ഇവരെ സ്ഥിത്ത് എത്തിച്ചപ്പോള് രക്ഷപ്പെടാന് നോക്കി എന്നാണ് പോലീസ് സംഭവത്തില് വിശദീകരിച്ചത്.
എന്നാല് ഈ സംഭവത്തില് പോലീസിനെ അനുകൂലിച്ചും പ്രതികൂലിച്ചും വിവിധയാളുകള് രംഗത്ത് എത്തിയിരുന്നു. പോലീസിന്റെ ഈ നടപടി രാജ്യത്ത് വലിയ ചര്ച്ചയാണ് വഴിവെച്ചിരിക്കുന്നത്.
എന്നാല് പോലീസ് നടപടിയോട് ചോദ്യങ്ങളുമായിട്ടാണ് മറ്റൊരു ബാഡ്മിന്റണ് താരമായ ജ്വാല ഗുട്ട പ്രതികരിച്ചിരിക്കുന്നത്. ഇങ്ങനെയുള്ള പോലീസ് പ്രവര്ത്തികളില് നിന്ന് ഭാവിയില് ബലാത്സംഗം പോലുള്ള കുറ്റകൃത്യങ്ങള് നടക്കില്ലെന്ന് ഉറപ്പ് വരുത്താനാകുമോ എന്ന് ജ്വാല ഗുട്ട ചോദിക്കുന്നു. സാമൂഹിക സ്വാധീനം നോക്കാതെ ബലാത്സംഗം ചെയ്യുന്ന എല്ലാര്ക്കും ഇതേ രീതിയിലാകുമോ ശിക്ഷ എന്നും അവര് ട്വിറ്ററില് ചോദിച്ചു.
