ന്യൂഡല്ഹി: രാജ്യത്തെ ഞെട്ടിച്ചാണ് ഞായറാഴ്ച പുലര്ച്ചെ തലസ്ഥാനനഗരിയായ ഡല്ഹിയിലെ ഫാക്ടറിയില് വന് തീപിടുത്തം ഉണ്ടായത്. പുലര്ച്ചെയുണ്ടായ തീപിടുത്തത്തില് 43 ജീവനുകള് വെന്തുരുകിയപ്പോള് മരണസംഖ്യ കുറയ്ക്കാനായത് രാജേഷ് ശുക്ല എന്ന ഫയര്മാന്റെ ജീവന് പണയം വെച്ചുള്ള ശ്രമങ്ങളാണ്. വടക്കേ ഡല്ഹിയിലെ അനജ് മന്ദിയിലുണ്ടായ തീപിടുത്തത്തില് നിന്ന് 11 ജീവനുകളെയാണ് രാജേഷ് ശു€ ജീവിതത്തിലേക്ക് കൈപിടിച്ചുയര്ത്തിയത്.
രക്ഷാപ്രവര്ത്തനത്തിനിടെ പരിക്കേറ്റതോടെ ഡല്ഹി ഫയര് ഓഫീസിലെ ഉദ്യോഗസ്ഥനായ ശുക്ലയെ എല്എന്ജെപി ആശുപത്രിയില് പ്രവേശിപ്പിച്ച് അടിയന്തിര ചികിത്സ നല്കുകയും ചെയ്തു. ഡല്ഹി ആഭ്യന്തര സഹമന്ത്രി സത്യേന്ദ്ര ജെയ്ന് ആശുപത്രിയിലെത്തി ശു€യെ കണ്ടു.
'അദേഹം യഥാര്ത്ഥ നായകനാണ്.. സംഭവസ്ഥലത്ത് ആദ്യമെത്തിയത് രാജേഷ് ശുക്ലയാണ്. പരിക്കേറ്റിട്ടും അവസാനം വരെ ശു€ തന്റെ ജോലി നിര്വഹിച്ചു. ധീരനായ നായകനെ സല്യൂട്ട് ചെയ്യു്നു' മന്ത്രി ട്വിറ്ററില് കുറിച്ചു.
ഡല്ഹിയില് ഫാക്ടറിയിലുണ്ടായ തീപിടുത്തത്തില് മരണം 43 ആയി. ഇന്നു പുലര്ച്ചെ വടക്കന് ഡല്ഹിയിലെ തിരക്കേറിയ റാണി ജാന്സി റോഡില് അനജ് മന്ദിയിലെ ആറു നില കെട്ടിടത്തിലെ ഫാക്ടറിയില് ഞായറാഴ്ച അഞ്ചു മണിയോടെയാണ് തീപിടിച്ചത്. ഈ സമയം തൊഴിലാളികള് ഫാക്ടറിക്കുള്ളില് ഉറങ്ങിക്കിടക്കുകയായിരുന്നു. ഉറങ്ങിക്കിടന്ന തൊഴിലാളികളാണ് വെന്തുമരിച്ചത്. 30 ഓളം ഫയര് എഞ്ചിനുകളാണ് തീ അണച്ചത്.
ഫാക്ടറിക്കുള്ളില് കുടുങ്ങിയ 20 ഓളം പേരെ രക്ഷപ്പെടുത്തി ആശുപത്രിയിലെത്തിച്ചു. പൊള്ളലേറ്റവരെ റാം മനോഹര് ലോഹിയ ആന്ഡ് ഹിന്ദു റാവോ ആശുപത്രിയിലാണ് പ്രവേശപ്പിച്ചിരിക്കുന്നത്. പുക ശ്വസിച്ചാണ് കൂടുതല് പേരും മരിച്ചത്. ബാഗ് നിര്മ്മാണ ഫാക്ടറിയുടെ വര്ക്ക്ഷോപ്പില് നിന്നാണ് തീ പടര്ന്നതെന്നാണ് റിപ്പോര്ട്ട്. കെട്ടിടത്തില് നിരവധി ചെറിയ നിര്മ്മാണ യൂണിറ്റുകള് പ്രവര്ത്തിക്കുന്നുണ്ട്. ദേശീയ ദുരന്ത നിവാരണ സേനയും രക്ഷാപ്രവര്ത്തനത്തിനെത്തി. ദുരന്തത്തില് പ്രധാനമന്ത്രി നരേന്ദ്ര മോഡി അതീവ ദു:ഖം രേഖപ്പെടുത്തി ട്വീറ്റ് ചെയ്തു.
