മഹാരാഷ്ട്ര : മുന്കാമുകിയെ കൊലപ്പെടുത്തി മൃതദേഹം റെയില്വേ ട്രാക്കില് തള്ളിയ സംഭവത്തില് യുവാവിനെ പോലീസ് അറസ്റ്റ് ചെയ്തു. മഹാരാഷ്ട്രയിലെ ജല്നയിലാണ് സംഭവം. സംഭവം ആത്മഹത്യ എന്ന് വരുത്തി തീര്ത്ത ശേഷം കുറ്റം ഭര്ത്താവിന്റ മേല് കെട്ടിവെക്കാനും ഇയാള് ചെയ്തു.
മാഡ കോളനിയിലെ സച്ചിന് ഗെയ്ക്ക് വാര്ഡ് ആണ് അറസ്റ്റിലായത്. ജല്ന സ്വദേശി ദീപ്തി രമേശ് (20) ആണ് കൊല്ലപ്പെട്ടത്. ഡിസംബര് 21 നാണ് സംഭവം. ദീപ്തിയെ ഉപേക്ഷിക്കപ്പെട്ട നിലയില് റെയില്വേ ട്രാക്കില് നിന്നും കണ്ടെത്തുകയായിരുന്നു. മൃതദേഹത്തോടൊപ്പം ആത്മഹത്യ കുറിപ്പ് അടങ്ങിയ മൊബൈല് ഫോണും ഇരചക്രവാഹനവും കണ്ടെത്തിയിരുന്നു.
ആത്മഹത്യ കുറിപ്പില് ഭര്ത്താവ് അവിനാഷ് തന്നെ പീഡിപ്പിക്കുന്നതിനായി കുറ്റപ്പെടുത്തുന്ന സന്ദേശമുണ്ടായിരുന്നു. ഈ സന്ദേശം ദീപ്തി പിതാവിന് അയച്ചിരുന്നു. പിതാവിന്റെ അടിസ്ഥാനത്തില് പോലീസ് ഭര്ത്താവിനെ അറസ്റ്റ് ചെയ്തു. ആറ് മാസങ്ങള്ക്ക് മുമ്പ് വളരെ രഹസ്യമായിട്ടാണ് ദീപ്തിയുടെയും വഞ്ചാരയുടെയും വിവാഹം നടത്തിയത്.
എന്നാല് തലയ്ക്ക് ഏറ്റ് ക്ഷതമാണ് മരണകാരണമെന്ന് പോസ്റ്റ്മോര്ട്ടത്തില് കണ്ടെത്തി തുടര്ന്ന് പോലീസ് അടുത്തുള്ള സിസിടിവി ദൃശ്യങ്ങള് പരിശോധിച്ചതോടെയാണ് കേസ് സച്ചിനിലേക്ക് എത്തുന്നത്. സച്ചിനും ദീപ്തിയും സംഭവം നടന്ന ദിവസം ഒന്നിച്ച് ബൈക്കില് സഞ്ചരിച്ചിരുന്നതായി കണ്ടെത്തി. ഇതോടെ സച്ചിനെ പോലീസ് കസ്റ്റഡിയിലെടുത്ത് ചോദ്യം ചെയ്തു. മുന്പ് ഇരുവരും പ്രണയത്തിലായിരുന്നു.
സംഭവദിവസം ദീപ്തിയുമായി ഉണ്ടായ വാക്കേറ്റമാണ് കൊലപാതകത്തില് അവസാനിച്ചതെന്ന് സച്ചിന് പോലീസിന് മൊഴി നല്കി. കുറ്റം ഭര്ത്താവിന്റെ തലയില് കെട്ടിവെക്കാന് താന് ദീപ്തിയുടെ ഫോണില് നിന്നും സന്ദേശം അയച്ചതെന്നും സച്ചിന് പോലീസിന് മൊഴി നല്കി.
