കൊച്ചി: ശബരിമലയിലെ സ്വര്ണ്ണപ്പാളി കൈമാറ്റവുമായി ബന്ധപ്പെട്ട കേസില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് പി.എസ്. പ്രശാന്ത്, മുന് ബോര്ഡ് അംഗം അജികുമാര് എന്നിവര്ക്ക് അന്വേഷണസംഘം നോട്ടീസ് അയച്ചു.
അടുത്ത ആഴ്ച ചോദ്യം ചെയ്യലിന് ഹാജരാകാനാണ് ഇവര്ക്ക് നല്കിയിരിക്കുന്ന നിര്ദ്ദേശം. മുന് ഭരണസമിതിയുടെ കാലത്ത്, ഹൈക്കോടതിയുടെ മുന്കൂര് അനുമതി വാങ്ങാതെ സ്വര്ണ്ണപ്പാളികള് കടത്തിയെന്ന പരാതിയിലാണ് നിലവില് അന്വേഷണം പുരോഗമിക്കുന്നത്.
കേസില് എത്രയും വേഗം കുറ്റപത്രം സമര്പ്പിക്കാനാണ് അന്വേഷണസംഘത്തിന്റെ തീരുമാനം. 2025-ല് മുന്പത്തെ സംഭവങ്ങള്ക്ക് സമാനമായ രീതിയില് ശബരിമലയില് നിന്ന് സ്വര്ണ്ണപ്പാളികള് ഇളക്കിമാറ്റി കൊണ്ടുപോകാന് ശ്രമം നടന്നതായി കണ്ടെത്തിയിരുന്നു.
ഹൈക്കോടതിയെ പൂര്ണ്ണമായി ഇരുട്ടില് നിര്ത്തിക്കൊണ്ടായിരുന്നു ഈ നീക്കങ്ങള് എന്ന പശ്ചാത്തലത്തിലാണ് പി.എസ്. പ്രശാന്ത് ഉള്പ്പെടെയുള്ളവരിലേക്ക് ചോദ്യം ചെയ്യല് നീളുന്നത്. ഇതിനിടെ, ഹൈക്കോടതിയുടെ കര്ശന നിര്ദ്ദേശത്തെ തുടര്ന്ന് പുതിയ സ്വര്ണ്ണ സാമ്പിളുകള് ശേഖരിക്കുന്നതിനായി പ്രത്യേക അന്വേഷണസംഘം നാളെ ശബരിമലയിലെത്തും.
