ന്യൂഡല്ഹി : പ്രായത്തില് കൃത്രിമം കാണിച്ചതിന് മന്ജോത് കല്റയ്ക്ക് ഡല്ഹി ഡിസ്ട്രിക്ട് ക്രിക്കറ്റ് അസോസയേഷന് വിലക്കേര്പ്പെടുത്തി. കല്റയെ കൂടാതെ കൊല്ക്കത്ത നൈറ്റ് റൈഡേഴ്സ് താരങ്ങളായ നീതീഷ് റാണ, ശിവം മാവി എന്നിവര്ക്കെതിരെയും നടപടി വന്നേക്കും. ഇരുവരും പ്രായത്തട്ടിപ്പ് നടത്തിയിട്ടുണ്ടെന്നാണ് പുറത്ത് വരുന്ന വിവരം.
പ്രായാടിസ്ഥാനത്തില് ഉള്ള കളിയില് നിന്ന് മാത്രമേ കല്റയ്ക്ക് വിലക്കുള്ളു. ഐപിഎല് പോലുള്ള മറ്റ് സീനിയര് മത്സരങ്ങളില് കളിക്കാന് താരത്തിന് വിലക്ക് പ്രശ്നമല്ല. ഇന്ത്യ കിരീടം നേടിയ 2018 ലെ അണ്ടര് 19 ലോകകപ്പിന്റെ ഫൈനലില് ഓസീസിനെതിരെ സെഞ്ച്വറി നേടിയ താരമാണ് കല്റ. ഈ മത്സരത്തില് മാന് ഓഫ് ദി പുര്സകാരവും കല്റയ്ക്കായിരുന്നു.
പിന്നലെ നടന്ന ഐപിഎല് മത്സരത്തില് ഡല്ഹി ക്യാപിറ്റല്സ് സ്വന്തമാക്കി. എന്നാല് ഈ സീസണില് ഈ താരത്തിനെ ആരും തന്നെ സ്വന്തമാക്കിയില്ല. റാണ, മാവി എന്നിവര്ക്കും പ്രായത്തില് കൃത്രിമം കാണിച്ചതിന് പണി കിട്ടുമെന്നാണ് സൂചന. ഐപിഎലില് കൊല്ക്കത്ത് നൈറ്റ് റൈഡേഴ്സിന്റെ പ്രധാന താരങ്ങളാണ് ഇവര്. പ്രായത്തട്ടിപ്പിനെ്റ കാര്യത്തില് 2015 ല് ബിസിസിഐയുടെ വിലക്ക് നേരിട്ടിട്ടുള്ള താരമാണ് റാണ.
