സുരേഷ് ഗോപി കേന്ദ്രകഥാപാത്രമായെത്തുന്ന പുതിയ ചിത്രം കാവല് ജനുവരി 25ന് ചിത്രീകരണം ആരംഭിച്ചിരിന്നു. കാവല് ആരംഭിച്ചിരിക്കുന്നു എന്ന അടിക്കുറിപ്പോടെ സുരേഷ് ഗോപി പങ്കുവച്ച ചിത്രത്തില് താരത്തെ താരത്തെ ട്രോളി വന്ന ഒരു കമന്റും സുരേഷ് ഗോപിയുടെ മറുപടിയുമാണ് സമൂഹമാധ്യമങ്ങളില് ശ്രദ്ധ നേടുന്നത്.
'എടപ്പാള് ഓട്ടത്തെ പറ്റിയുടെ കഥയാണോ സേട്ടാ' എന്നാണ് കമന്റ്. ശബരിമലയോട് അനുബന്ധിച്ചുള്ള ഹര്ത്താല് ദിവസം ബിജെപി- ആര്എസ്എസ് ബൈക്ക് റാലി ബൈക്ക് ഉപേക്ഷിച്ചുള്ള ഓട്ടമായത് സോഷ്യല് മീഡിയ എടപ്പാള് ഓട്ടമാക്കി മാറ്റിയിരുന്നു. 'അല്ല...... വേണ്ടാത്തിടത്തു ആളുകളെ നുഴഞ്ഞു കയറ്റുന്നതിനെതിരെ 'കാവല്' നില്ക്കുന്ന കഥയാ സേട്ടാ.....'എന്നായിരുന്നു രാഷ്ട്രീയം കലര്ത്തിയുള്ള സുരേഷ് ഗോപിയുടെ മറുപടി.
പൗരത്വ നിയ ഭേദഗതിയെ ന്യായീകരിച്ച് ബിജെപിയും ആര്എസ്എസും ഉയര്ത്തുന്ന വാദമാണ് വിദേശത്ത് നിന്നുള്ള നുഴഞ്ഞുകയറ്റ്തെ ചെറുക്കാനാണ് നിയമം എന്നത്.
കസബയ്ക്ക് ശേഷം നിഥിന് രണ്ജി പണിക്കര് സംവിധാനം ചെയ്യുന്ന ചിത്രമാണ് കാവല്. ഷൈലോക്ക് നിര്മ്മിച്ച ഗുഡ് വില് എന്റര്ടെയിന്മെന്റിന്റെ ബാനറില് ജോബി ജോര്ജ് ആണ് നിര്മ്മാണം. ഹൈറേഞ്ച് പശ്ചാത്തലമാക്കി രണ്ട് കാലഘട്ടങ്ങളിലായാണ് സിനിമ. സത്യം തെളിയും വരെ കുടുംബത്തിനും നിങ്ങള്ക്കും കാവലായി ഞാനും എനിക്ക് കാവലായി ദൈവവും ഉണ്ട് എന്നാണ് സിനിമയുടെ ടാഗ് ലൈന്.
ദുല്ഖര് സല്മാന് നിര്മ്മിച്ച് അനൂപ് സത്യന് സംവിധാനം ചെയ്ത വരനെ ആവശ്യമുണ്ട് എന്ന ചിത്രത്തിന് ശേഷം സുരേഷ് ഗോപി നായകനായ ചിത്രമാണ് കാവല്. സുരേഷ് ഗോപിയ്ക്കൊപ്പം ലാല് പ്രധാന കഥാപാത്രമായെത്തുന്ന സിനിമ ആക്ഷന് ഫാമിലി ഡ്രാമയാണ്.
സയാ ഡേവിഡ് ചിത്രത്തില് ശ്രദ്ധേയമായ കഥാപാത്രത്തെ അവതരിപ്പിക്കുന്നു. ഐ എം വിജയന്, അലന്സിയര്, പത്മരാജ് രതീഷ്, തുടങ്ങിയവരാണ് മറ്റ് താരങ്ങള്. ഛായാഗ്രഹണം നിഖില് എസ് പ്രവീണ്. സംഗീതം-രഞ്ജിന് രാജ്, എഡിറ്റര്-മന്സൂര് മുത്തൂട്ടി, കല-ദിലീപ് നാഥ്, മേക്കപ്പ്-പ്രദീപ് രംഗന്, വസ്ത്രാലങ്കാരം-നിസ്സാര്, സ്റ്റില്സ്-മോഹന് സുരഭി, പരസ്യകല-ഓള്ഡ് മങ്ക്സ്.
