1991ല് ലോഹിതദാസ് തിരക്കഥയെഴുതി ഭരതന് സംവിധാനം ചെയ്ത ചിത്രമാണ് അമരം. മമ്മൂട്ടിയുടെ സിനിമ ജീവിതത്തിലെ ഏറ്റവും മികച്ച ചിത്രം കൂടിയായിരുന്നു ഇത്. മുക്കുവരുടെ കഥ പറയുന്ന ചിത്രത്തില് പകരം വെയ്ക്കാനില്ലാത്ത അഭിനയമാണ് മമ്മൂട്ടി കാഴ്ച വെച്ചത്. ചിത്രത്തിലെ മമ്മൂട്ടിയുടെ അഭിനയത്തിന് അവാര്ഡ് ലഭിച്ചിരുന്നില്ല. ഇപ്പോള് ഇതേ കുറിച്ച് തുറന്നു പറയുകയാണ് നടി കെപിഎസി ലളിത. അവാര്ഡ് കൊടുക്കാതിരിക്കാന് പല കാരണമുണ്ടാകാം എന്നാല് കിട്ടാന് ഒരു കാരണം മതി. ഇന്നും മമ്മൂട്ടി അഭിനയിച്ച പോലെ ആര്ക്കെങ്കിലും അത് ചെയ്യാന് പറ്റുമോയെന്നും കെപിഎസി ലളിത ചോദിക്കുന്നു.
'' മമ്മൂട്ടിയുടെ ഏറ്റവും മികച്ച സിനിമകളിലൊന്ന് തന്നെയാണ് അമരം. ആ സിനിമയില് മോശം എന്ന് പറയാന് ഒന്നും തന്നെയില്ല. പാട്ടുകളെല്ലാം മികച്ച് നിന്നു. മധു അമ്പാട്ടായിരുന്നു ക്യാമറ ചെയ്തത്. എല്ലാം ഒന്നിനൊന്ന് മെച്ചം. പക്ഷേ ഏറ്റവും സങ്കടമായത് മമ്മൂട്ടിക്ക് ദേശീയ അവാര്ഡ് ലഭിച്ചില്ല എന്നതാണ്. അത്രയ്ക്ക് ഗംഭീരമായാണ് അദ്ദേഹം അഭിനയിച്ചത്. ഓരോ ഷോട്ടും മികച്ചതായിരുന്നു. പ്രത്യേകിച്ച് മകള് പോയതിന് ശേഷം കള്ളുകുടിച്ചിട്ട് 'അവന് കടലില് പോയിട്ട് ഒരു കൊമ്പനെ പിടിച്ചുകൊണ്ടു വരട്ടെ, അപ്പോള് ഞാന് സമ്മതിക്കാം അവന് നല്ലൊരു അരയനാണെന്ന്' എന്ന് പറഞ്ഞ് നടന്നുപോകുന്ന സീനുണ്ട്. അതൊക്കെ എത്ര ഗംഭീരമാണ്. ഒരിക്കലും മറക്കാന് പറ്റില്ല...
അവാര്ഡ് കൊടുക്കാതിരിക്കാന് പല കാരണമുണ്ടാകാം. കിട്ടാന് ഒരു കാരണം മതി. ഇന്നും മമ്മൂട്ടി അഭിനയിച്ച പോലെ ആര്ക്കെങ്കിലും അത് ചെയ്യാന് പറ്റുമോ എന്ന് എനിക്ക് സംശയമുണ്ട്. മകള് കല്യാണം കഴിച്ച് അപ്പുറത്ത് വന്നു കയറുന്ന സീന് ഓര്ത്താല് മതി. നിശബ്ദമാണ്. ഒരു ബഹളവുമില്ല. മുറ്റത്തു നിന്ന് അത് കണ്ടിട്ട് അകത്ത് കയറി വന്ന് ആ സങ്കടം കാണിക്കുന്ന രംഗങ്ങളൊക്കെ മനസ്സില് നിന്ന് ഇന്നും മായുന്നതേയില്ല'' കെപിഎസി ലളിത പറഞ്ഞു.
