കൊല്ലം : പത്താം ക്ലാസിലെ മോഡല് പരീക്ഷയ്ക്ക് ശേഷം കൂട്ടുകാര്ക്കൊപ്പം കുളിക്കാനിറങ്ങിയ രണ്ട് വിദ്യാര്ത്ഥികള് കല്ലടയാറില് മുങ്ങി മരിച്ചു. പുനലൂര് തൊളിക്കോട് കൊച്ചുവള്ളക്കടവിലാണ് അപകടം. പുനലൂര് ശബരിഗിരി പബ്ലിക് സ്കൂളിലെ വിദ്യാര്ത്ഥികളായ അന്തു കൃഷ്ണന്, അതുല് എസ് രാജ് എന്നിവരാണ് മരിച്ചത്. പുനലൂര് ഫയര് സ്റ്റേഷന് സമീപം കല്ലടയാറിന്റെ കുളക്കടവില് കുളിക്കാനിറങ്ങിയതായിരുന്നു ഇവര്.
ഒഴുക്കില്പ്പെട്ട് കുട്ടികളെ കാണാതായപ്പോള് കൂടെയുണ്ടായിരുന്ന കുട്ടികള് നിലയത്തില് വന്ന് അറിയച്ചതനുസരിച്ച് അഗ്നിരക്ഷാ സേന നടത്തിയ തിരച്ചിലിലാണ് മൃതദേഹങ്ങള് കണ്ടെത്തിയത്. ആരംപുന്ന കമല് ഭവന് എസ് രാജീവിന്റെ മകനാണ് അനന്തു. പുന്നല ഗോകുലത്തില് സോമരാജിന്റെ മകനാണ് അതുല്. സ്റ്റേഷന് ഓഫീസര് ആര് ഷിജുവിന്റെ നേതൃത്വത്തില് ജയിംസ്, എസ് ഷിബു, നിഷാന്ത് കുമാര്, ജയകുമാര്, സജു, സജീവ്, അഗസ്റ്റിന്, രതീഷ്, അനീഷ്, അജിതകുമാര്, ഷിനു കുമാര് എന്നിവരടങ്ങിയ സംഘമാണ് പ്രവര്ത്തനം നടത്തിയത്.
