2020ലെ മികച്ച ആനിമേറ്റഡ് ഷോര്ട്ട് ഫിലിമിനുളള ഓസ്കര് നേടിയ കുഞ്ഞു ചിത്രമാണ് ഹെയര് ലവ്. നാലു വര്ഷം മുമ്പ് ചിത്രത്തിന്റെ പ്രീ പ്രൊഡക്ഷന് സമയത്ത് സംവിധായകന് മാത്യു എ ചെറി ഈ ആനിമേഷന് ഹ്രസ്വചിത്രത്തില് ഒപ്പം സഹകരിക്കാന് കഴിവുള്ള 3ഡി ആര്ട്ടിസ്റ്റുകളുണ്ടോ എന്നു ചോദിച്ച് ട്വിറ്ററില് തന്റെ ഫോളോവേഴ്സിനോടായി ഒരു ചോദ്യമിട്ടിരുന്നു. ആ ട്വീറ്റ് സംവിധായകന് ഇപ്പോള് വീണ്ടും പോസ്റ്റ് ചെയ്തിരിക്കുകയാണ്.
'3 ഡി ആര്ട്ടിസ്റ്റുകള് ആരെങ്കിലും ട്വിറ്ററില് എന്നെ ഫോളോ ചെയ്യുന്നുണ്ടോ? ഓസ്കര് ലഭിക്കാന് സാധ്യതയുള്ള ഹ്രസ്വചിത്രത്തിനു വേണ്ടിയാണ്. ഇവിടെ ബന്ധപ്പെടൂ.' എന്ന് 2016ലാണ് സിനിമയ്ക്കു വേണ്ടിയുള്ള കലാകാരന്മാരെ മാത്യു സോഷ്യല്മീഡിയ വഴി തേടിയത്. പഴയ ട്വീറ്റ് വീണ്ടുമോര്പ്പിച്ചുകൊണ്ട് ആ സ്വപ്നം സാക്ഷാത്ക്കരിച്ചുവെന്ന മാത്യുവിന്റെ ട്വീറ്റ്.
സോഷ്യല്മീഡിയയിലെ സിനിമാസ്വാദകര്ക്കിടയില് ഈ ട്വീറ്റും തരംഗമായിക്കൊണ്ടിരിക്കുകയാണ്. സംവിധായകന്റെ ആത്മവിശ്വാസത്തെ പുകഴ്ത്തി നിരവധി പേരാണ് ആശംസകളുമായി രംഗത്തു വന്നിട്ടുള്ളത്.
