സംഗീത പ്രേമികളുടെ ഇഷ്ടഗായകനാണ് ഹരീഷ് ശിവരാമകൃഷ്ണന്. നിരവധി സിനിമാ പാട്ടുകള് അദ്ദേഹം പാടിയിട്ടുണ്ടെങ്കിലും ശ്രദ്ധിക്കപ്പെടുന്നത് മറ്റ് ഗാനങ്ങളുടെ കവര് വേര്ഷനുകളിലാണ്. വര്ഷങ്ങള്ക്ക് മുന്പ് പുറത്തിറങ്ങിയ നിരവധി ഗാനങ്ങള്ക്കാണ് അദ്ദേഹം കവര് ഒരുക്കിയിരിക്കുന്നത്. ഇവയെല്ലാം സൂപ്പര് ഹിറ്റുകളായിരുന്നു.
ആരാധകര്ക്കൊപ്പം തന്നെ വിമര്ശകരും ഹരീഷിന് നിരവധിയാണ്. മലയാളത്തിലെ സൂപ്പര് ഹിറ്റ് ഗാനങ്ങളെല്ലാം വലിച്ചു നീട്ടി നശിപ്പിക്കുകയാണെന്നാണ് ചിലരുടെ വിമര്ശനം. ഇപ്പോള് വിമര്ശകര്ക്ക് രസകരമായ മറുപടി നല്കുകയാണ് ഹരീഷ്. ഫേസ്ബുക്ക് പോസ്റ്റിലൂടെയാണ് താരത്തിന്റെ സെല്ഫ് ട്രോള്.
'ഏതു പാട്ടും വിശ്വസ്തതയോടെ വലിച്ചു നീട്ടി പൊതിഞ്ഞു കൊടുക്കപ്പെടും. മനസ്സില് പതിഞ്ഞ പഴയ ഗാനം ആണെങ്കില് തികച്ചും സൗജന്യമായി. ബന്ധപ്പെടുക : എലാസ്ടിക്ക് ഏട്ടന് , ഷോറണൂര്' ഹരീഷ് കുറിച്ചു.
സോഷ്യല് മീഡിയയില് വൈറലാവുകയാണ് ഹരീഷിന്റെ ഈ സെല്ഫ് ട്രോള്. ഇതിനിടയില് കവര് സോങ്ങുകള് മാത്രം ചെയ്യുന്നത് എന്തിനാണെന്നും സ്വന്തമായി ഗാനങ്ങള് ഇറക്കിക്കൂടെ എന്ന ചോദ്യവുമായി നിരവധി പേരാണ് കമന്റ് ചെയ്തിരിക്കുന്നത്.
