ഇന്ത്യന് 2വിന്റെ ചിത്രീകരണത്തിനിടെയുണ്ടായ അപകടത്തില് നിന്നും കാജല് അഗര്വാള് രക്ഷപെട്ടത് തലനാരിഴയ്ക്ക്. ഒരു നിമിഷത്തിന്റെ വ്യത്യാസത്തിലാണ് ഇപ്പോള് ജീവിച്ചിരിക്കുന്നതെന്ന് നടി ട്വീറ്റ് ചെയ്തു. സമയത്തേയും ജീവിതത്തേയും ഏറെ വിലമതിക്കാനും വിലയേറിയ പാഠങ്ങള് ഉള്ക്കൊള്ളാനും ഈ സംഭവങ്ങള് മൂലം കഴിഞ്ഞുവെന്നും താരം കുറിച്ചിരിക്കുകയാണ്.
'അപ്രതീക്ഷിതമായ ഒരു അപകടം കൊണ്ട് വന്ന നഷ്ടം, അതുണ്ടാക്കിയ ഹൃദയവേദന, ഇവയൊന്നും വിവരിക്കാന് വാക്കുകള് കിട്ടുന്നില്ല. എന്റെ സഹപ്രവര്ത്തകര് കൃഷ്ണ, ചന്ദ്രന്, മധു എന്നിവരുടെ കുടുംബത്തിന് സ്നേഹവും ശക്തിയും അനുശോചനവും അറിയിക്കുന്നു. സങ്കടത്തിന്റെ ഈ നിമിഷത്തില് ദൈവം അവര്ക്ക് ശക്തി നല്കട്ടെ. ഒരു നിമിഷത്തിന്റെ വ്യത്യാസത്തിലാണിപ്പോള് ജീവിച്ചിക്കുന്നതും ഈ ട്വീറ്റ് ടൈപ്പ് ചെയ്യുന്നതും. ജീവിതം, സമയം എന്നിവയെ കുറിച്ച് വിലയേറിയ പാഠങ്ങള് പഠിച്ചു, അവയെ വിലമതിക്കാനും' കാജല് അഗര്വാള് പറഞ്ഞു.
'അപ്രതീക്ഷിതമായ ഒരു അപകടം കൊണ്ട് വന്ന നഷ്ടം, അതുണ്ടാക്കിയ ഹൃദയവേദന, ഇവയൊന്നും വിവരിക്കാന് വാക്കുകള് കിട്ടുന്നില്ല. എന്റെ സഹപ്രവര്ത്തകര് കൃഷ്ണ, ചന്ദ്രന്, മധു എന്നിവരുടെ കുടുംബത്തിന് സ്നേഹവും ശക്തിയും അനുശോചനവും അറിയിക്കുന്നു. സങ്കടത്തിന്റെ ഈ നിമിഷത്തില് ദൈവം അവര്ക്ക് ശക്തി നല്കട്ടെ. ഒരു നിമിഷത്തിന്റെ വ്യത്യാസത്തിലാണിപ്പോള് ജീവിച്ചിക്കുന്നതും ഈ ട്വീറ്റ് ടൈപ്പ് ചെയ്യുന്നതും. ജീവിതം, സമയം എന്നിവയെ കുറിച്ച് വിലയേറിയ പാഠങ്ങള് പഠിച്ചു, അവയെ വിലമതിക്കാനും' കാജല് അഗര്വാള് പറഞ്ഞു.
പൂനെ ഇവിപി ഫിലിം സിറ്റിയിലെ ലൊക്കേഷനിലാണ് അപകടമുണ്ടായത്. സീന് ചിത്രീകരിക്കുന്നതിനുള്ള തയ്യാറെടുപ്പിനിടെ 150 അടിയേറെ ഉയരമുള്ള ക്രെയിന് സംവിധായകനും സംഘവും ഇരുന്ന ടെന്റിന് മുകളിലേക്ക് മറിയുകയായിരുന്നു. അപകടത്തില് സംവിധായകന് ശങ്കറിന് കാലിന് പരിക്കുണ്ടെന്ന് റിപ്പോര്ട്ടുകള്. എന്നാല് ഔദ്യോഗിക സ്ഥിരീകരണം വന്നിട്ടില്ല.
അപകടത്തില് ശങ്കറിന്റെ സഹായി മധു, സഹ സംവിധായകന് ചന്ദ്രന്, കാറ്ററിംഗ് യൂണിറ്റ് അംഗം കൃഷ്ണ എന്നിവരാണ് മരിച്ചത്. 9 പേര്ക്ക് പരിക്ക് ഏല്ക്കുകയും ചെയ്തു.
Comments