എബ്രിഡ് ഷൈന് സംവിധാനം ചെയ്ത 'പൂമരം' എന്ന ചിത്രത്തിലൂടെയാണ് മലയാള സിനിമയിലേക്ക് നീത പിള്ള എത്തിയത്. പൂമരത്തിന് ശേഷം നീണ്ട ഇടവേളയാണ് നീതയ്ക്കുണ്ടായത്. പിന്നീട് ദി കുങ്ഫു മാസ്റ്റര് എന്ന ചിത്രത്തിലൂടെയാണ് നീത വീണ്ടും സജീവമായത്. ചിത്രത്തിലൂടെ ആക്ഷന് ഹീറോയിന് എന്ന വിശേഷണമാണ് നീതയെ തേടിയെത്തിയത്. ചിത്രത്തിലെ ആക്ഷന് രംഗങ്ങളെ പോലെ ജീവിതത്തില് തനിക്കും ചെറിയ ആക്ഷന് കാണിക്കേണ്ടി വന്നതിനെ കുറിച്ച് തുറന്നു പറയുകയാണ് നീത.
സ്ഥിരമായി ശല്യം ചെയ്ത ആളെ ഒതുക്കിയ കാര്യമാണ് നീത പങ്കുവെച്ചത്. '' ഞാന് അമ്പലത്തില് പോയപ്പോള് ഒരാള് ശല്യം ചെയ്യുന്നതായി തോന്നി. നമുക്ക് മനസിലാകുമല്ലോ. മാക്സിമം ഒഴിഞ്ഞു മാറി. കുറച്ച് കഴിഞ്ഞപ്പോഴും അയാളുടെ ശല്യം തുടര്ന്നു കൊണ്ടിരുന്നു. പുറത്തേക്ക് ഇറങ്ങിക്കഴിഞ്ഞപ്പോള് ഞാന് ഒരിടി വച്ചു കൊടുത്തു. വേറൊരാളോട് അയാള് ഇത് ചെയ്യാന് പാടില്ല'' - നീത പറഞ്ഞു.
