അയോധ്യ ബാബ്റി മസ്ജിദ് ഭൂമി തര്ക്കകേസില് സുപ്രീം കോടതി അനുവദിച്ച അഞ്ചേക്കര് ഭൂമിയില് നിര്മാണ പ്രവര്ത്തനങ്ങള് ആരംഭിക്കുന്നതിന്റെ പദ്ധതികള് പ്രഖ്യാപിച്ച് സുന്നി വഖഫ് ബോര്ഡ്. അയോധ്യയിലെ രാമജന്മഭൂമിയുമായി ബന്ധപ്പെട്ട കേസില്, സുപ്രീംകോടതി ബോര്ഡിന് അനുവദിച്ച 5 ഏക്കര് ഭൂമിയില് പലവിധ സംരംഭങ്ങള് പടുത്തുയര്ത്തും. ഉത്തര്പ്രദേശില് അയോധ്യ ജില്ലയിലെ ധനിപ്പൂര് ഗ്രാമത്തിലാണ് സുപ്രീം കോടതി ഭൂമി അനുവദിച്ചു കൊടുത്തത്.
5 ഏക്കര് ഭൂമിയില്, ഒരു മുസ്ലിം പള്ളി, ഇന്ഡോ-ഇസ്ലാമിക് ഗവേഷണ കേന്ദ്രം, ലൈബ്രറി, ആശുപത്രി എന്നീ സംരംഭങ്ങളാരംഭിക്കാനാണ് തീരുമാനിച്ചിരിക്കുന്നതെന്ന് സുന്നി വഖഫ് ബോര്ഡ് പ്രഖ്യാപിച്ചു. തിങ്കളാഴ്ച നടന്ന പത്രസമ്മേളനത്തിലാണ് ബോര്ഡ് അംഗങ്ങള് ഈ തീരുമാനം അറിയിച്ചത്.
പ്രാദേശിക ആവശ്യങ്ങള് പരിഗണിച്ച് മസ്ജിദിന്റെ വലിപ്പത്തിന്റെ കാര്യത്തില് തീരുമാനമെടുക്കുമെന്നും സഫര് ഫറൂഖി പറഞ്ഞു. സുപ്രീം കോടതി വിധിയുടെ അടിസ്ഥാനത്തില് ഉത്തര്പ്രദേശ് സര്ക്കാര് സോഹാവാലില് അഞ്ചേക്കര് ഭൂമി കണ്ടെത്തിയരുന്നു. അതേസമയം രാമക്ഷേത്രം പുനര്നിര്മ്മിക്കുന്നതിനായി കേന്ദ്രം ട്രസ്റ്റ് രൂപീകരിച്ചിട്ടുണ്ട്.
ക്ഷേത്ര നിര്മ്മാണത്തിന് വേണ്ടി ട്രസ്റ്റ് രൂപീകരിച്ചത് പോലെ പള്ളി പണിയാനും ട്രസ്റ്റ് രൂപീകരിക്കണമെനനാവശ്യപ്പെട്ട് ശരദ് പവാറും, ഡി രാജയും നവാബ് മാലിക്കും രംഗത്തെത്തയിരുന്നു.
