മലയാളികളെ അന്നും ഇന്നും എന്നും ചിരിപ്പിക്കുന്ന മലയാളത്തിലെ എക്കാലത്തെയും ഹാസ്യനടന്മാരില് ഒരാളാണ് കുതിരവട്ടം പപ്പു. അദ്ദേഹം ഓര്മയായിട്ട് 20 വര്ഷങ്ങള് പിന്നിടുകയാണ്. ഇപ്പോള് മകന് ബിനു പപ്പു അച്ഛനെ അനുസ്മരിച്ച് കുറിച്ച വാക്കുകളാണ് വൈറലാകുന്നത്. 'അച്ഛനെ ഓര്ക്കുക എളുപ്പമാണ്. അതെന്നും ഞാന് ഓര്ക്കാറുണ്ട്. പക്ഷേ അങ്ങയെ നഷ്ടപ്പെടല് തലവേദനയാണ്, അതൊരിക്കലും വിട്ട് പോകുകയില്ല. മിസ് യു അച്ഛാ.'-ബിനു കുറിച്ചു.
ഒരു കാലത്ത് കോഴിക്കോട്ടെ നാടകവേദികളിലെ നിറസാന്നിധ്യമായിരുന്നു പത്മദളാക്ഷന്. മൂടുപടമാണ് ആദ്യ സിനിമയെങ്കിലും പത്മദളാക്ഷനെ കുതിരവട്ടം പപ്പുവാക്കിയത് ഭാര്ഗവീനിലയമാണ്. സിനിമയുടെ തിക്കഥയെഴുതിയ വൈക്കം മുഹമ്മദ് ബഷീറാണ് ആ പേരു നല്കിയത്.
മണിച്ചിത്രത്താഴിലെ നിഷ്കളങ്കനായ കാട്ടുപറമ്പനെ ആര്ക്കും മറക്കാന് കഴിയില്ല. ഇതിനിടയില് കിങ് സിനിമയില് പാവം സ്വാതന്ത്ര സമരസേനാനിയുടെ വേഷത്തിലെത്തി പ്രേക്ഷകരുടെ കണ്ണു നിറച്ചു. ഷാജി കൈലാസിന്റെ നരസിംഹമാണ് പപ്പു അവസാനം ചെയ്ത സിനി. 1500ല് അധികം ചിത്രങ്ങളില് പപ്പു അഭിനയിച്ചിട്ടുണ്ട്.
