വി.ഡി സതീശന് മന്ത്രിസഭയിലെ ആദ്യ ബജറ്റ് പ്രഖ്യാപനം സാധാരണക്കാര്ക്ക് മാത്രമല്ല സിനിമാമേഖലയിലുള്ളവര്ക്കും ഏറെ സ്വാഗതാര്ഹമായിരുന്നു. സിനിമാ മേഖലയുടെ വികസനത്തിനായി സമഗ്രപദ്ധതികളാണ് ബജറ്റിൽ പ്രഖ്യാപിച്ചത്. അതിലൊന്നായിരുന്നു കൊച്ചിയിൽ ജെ.സി.ഡാനിയേൽ ഇൻർനാഷണൽ ഫിലിം സിറ്റി ചിത്രനഗരം സ്ഥാപിക്കും എന്ന പ്രഖ്യാപനം. സിനിമാ മേഖലയുടെ വികസനത്തിനായി സമഗ്രപദ്ധതികളാണ് ബജറ്റിൽ പ്രഖ്യാപിച്ചിരിക്കുന്നത്. 100 കോടി രൂപ ചെലവഴിച്ചാണ് ‘ചിത്രനഗരം’ സ്ഥാപിക്കുന്നത് എന്നാണ് വി.ഡി സതീശന് പറഞ്ഞത്.
ഇപ്പോഴിതാ കൊച്ചിയിൽ ‘ചിത്രനഗരം’ എന്ന അത്യാധുനിക ഫിലിം സിറ്റി സ്ഥാപിക്കുമെന്ന പ്രഖ്യാപനം ഏറെ സന്തോഷം നല്കുന്നതാണെന്ന് കുറിക്കുകയാണ് മലയാളത്തിന്റെ ലേഡി സൂപ്പര്സ്റ്റാര് മഞ്ജു വാര്യര്. സിനിമയ്ക്ക് വ്യവസായ പദവി നൽകാനുള്ള തീരുമാനം ഒരു തൊഴിലിടത്തിനാകെയുള്ള വലിയ അംഗീകാരമാണെന്നും മലയാളസിനിമയുടെ തുടക്കക്കാരനായ ശ്രീ.ജെ.സി.ഡാനിയേലിന്റെ ഓർമയ്ക്കുള്ള സമർപ്പണമാകുമ്പോൾ അത് കൂടുതല് അര്ത്ഥവത്താകുമെന്നുമാണ് താരം സോഷ്യല് മീഡിയയില് കുറിച്ചത്.
‘‘ചിത്രനഗരം’ എന്ന പേരിൽ കൊച്ചിയിൽ ഒരു ഫിലിംസിറ്റിയെന്ന ബജറ്റ് പ്രഖ്യാപനം ഏറെ സന്തോഷം നല്കുന്നു. അത് മലയാളസിനിമയുടെ തുടക്കക്കാരനായ ശ്രീ.ജെ.സി.ഡാനിയേലിന്റെ ഓർമയ്ക്കുള്ള സമർപ്പണമാകുമ്പോൾ കൂടുതൽ അർഥവത്തുമാകുന്നു. അതോടൊപ്പം സിനിമയ്ക്ക് വ്യവസായ പദവി നല്കാനുള്ള തീരുമാനം ഒരു തൊഴിലിടത്തിനാകെയുള്ള അംഗീകാരമാണ്.
നമ്മുടെ സിനിമാലോകത്തെ കൂടുതൽ വിശാലമാക്കുകയും അതിനെ അനന്തസാധ്യതകളിലേക്ക് നയിക്കുകയും ചെയ്യുന്ന തീരുമാനങ്ങളെടുത്ത സർക്കാരിന് ഒരു സിനിമാപ്രവർത്തകയെന്ന നിലയിൽ നന്ദിയറിയിക്കുന്നു. ആന്റി പൈറസി സെൽ വരുന്നതോടെ സിനിമയെ നശിപ്പിക്കുന്ന ഒരു വിപത്തിന് അവസാനമാകും എന്നും പ്രതീക്ഷിക്കുന്നു...’’ എന്നായിരുന്നു മഞ്ജു വാര്യരുടെ കുറിപ്പ്. മോഹന്ലാല്, മമ്മൂട്ടി അടക്കമുള്ള ഒരുപാട് സെലിബ്രിറ്റികളും ഈ പ്രഖ്യാപനത്തിലുള്ള സന്തോഷം സോഷ്യല് മീഡിയയിലൂടെ പങ്കിട്ടിരുന്നു.
