ഹോളിവുഡിലെ വിവാദ നിര്മ്മാതാവ് ഹാര്വി വെയ്ന്സ്റ്റെനെതിരേ ലൈംഗിക പീഡനക്കേസില് ശിക്ഷ ഉറപ്പാക്കാന് ആറ് സ്ത്രീകളായിരുന്നു സാക്ഷികൂട്ടില് ഉണ്ടായിരുന്നത്. കഴിഞ്ഞ 30 വര്ഷമായി തങ്ങള് മനസ്സില് കൊണ്ടു നടന്ന ക്രൂരവും നിന്ദ്യവുമായ അനുഭവം അവര് കോടതിയില് പങ്കുവെച്ചതോടെ നീതി നടപ്പായി. വെയ്ന്സ്റ്റെയ്നെതിരേ രണ്ടു ബലാത്സംഗങ്ങളും ഒരു പ്രകൃതി വിരുദ്ധ ലൈംഗികതയും രണ്ടു അപായപ്പെടുത്തിയുള്ള ബലാത്സംഗങ്ങളും ഉള്പ്പെടെ ഉയര്ന്ന അഞ്ചു കുറ്റങ്ങളില് ഇവരില് രണ്ടു പേര് കേസിലെ പ്രധാന സാക്ഷികളായിരുന്നു.
മൂന്നാമത്തെ ബലാത്സംഗ ആരോപണവുമായി രംഗത്ത് വന്ന അനബെല്ലാ സിയോറയുടെ ആരോപണം 67 കാരന് വെയ്ന്സ്റ്റെയിനെ കൂടുതല് കുഴപ്പത്തിലാക്കുകയും ചെയ്തു. വെയ്ന്സെ്റ്റയിനെതിരേ ആരോപണം ഉയര്ത്തിയ 100 സ്ത്രീകളില് ആറ് പേര് എന്നത് മഞ്ഞുമലയുടെ ചെറിയ ഭാഗം മാത്രമായിരുന്നു. വെയ്ന്സ്റ്റെയിനെതിരേ ശക്തമായ മൊഴി നല്കിയത് മുന് നടിയായിരുന്നു അനബെല്ലയാണ്. 1993 നും 1994 നും ഇടയില് തന്റെ ന്യൂയോര്ക്കിലെ അപ്പാര്ട്ട്മെന്റില് വെച്ച് വെയ്ന്സ്റ്റെയിന് ബലാത്സംഗം ചെയ്തതായി ഇവര് മൊഴി നല്കി. ലോസ് ഏഞ്ചല്സിലെ ഒരു സ്വകാര്യ പാര്ട്ടിക്കിടയിലാണ് സിനിമയില് താല്പ്പരം ഉണ്ടെങ്കില് തന്നെ ഒന്നു കാണണമെന്ന് വെയ്ന്സ്റ്റെയിന് സിയോറിയയോട് പറഞ്ഞത്.
അത്താഴ വിരുന്നിന് ശേഷം ഉമാതര്മന് ഉള്പ്പെടെയുള്ള നടിമാര്ക്കൊപ്പം വെയ്ന്സ്റ്റെയിന്റെ കാറില് സിയോറ സഞ്ചരിക്കാന് തയ്യാറായി. ഉമാ തുര്മ്മനെ ഇറക്കിയ ശേഷം മാന്ഹട്ടന് സമീപം ഗ്രാമേഴ്സി പാര്ക്കിലെ അപ്പാര്ട്ട്മെന്റില് സിയോറയെയും വെയ്ന്സ്റ്റീന് കൊണ്ടുവിട്ടു. ഉറങ്ങാന് തുടങ്ങുമ്പോഴാണ് വാതിലില് മുട്ട് കേട്ടത്. ഇറ്റലിയില് നിന്നുള്ള കൈത്തറി കൊണ്ടുള്ള ഒരു നൈറ്റ് ഗൗണായിരുന്നു വേഷം. വാതില് തുറന്നപ്പോള് വെയ്ന്സ്റ്റെയ്നായിരുന്നു അത്. വാതില് തള്ളിത്തുറന്ന് അകത്തേക്ക് വന്ന വെയ്ന്സ്റ്റെയിന് കിടക്കമുറിയിലേക്ക് നയിച്ചു. ബെഡ്ഡിലേക്ക് തള്ളിയിട്ടു. വെയ്ന്സ്റ്റെയിന്റെ പിടിയില് നിന്നും വിടാന് ഇടിക്കുകയും തൊഴിക്കുകയും ചെയ്തുനോക്കി. എന്നാല് കൈകള് രണ്ടും തലയ്ക്ക് പുറകിലേക്ക് പിടിച്ചുകെട്ടി അയാള് ക്രൂരമായി ബലാത്സംഗം ചെയ്തു.
ഈ സംഭവം പിന്നീട് വര്ഷങ്ങളോളം മാനസീകമായി പിന്തുടര്ന്നു. അത് പിന്നീട് വിഷാദത്തിലേക്കും മദ്യപാന ശീലത്തിലേക്കും കൊണ്ടെത്തിച്ചതായി സിയോറ കോടതിയില് പറഞ്ഞു. ഇക്കാര്യം പിന്നീട് സിയോറ സൃഹൃത്തും നടിയുമായ റോസി പെരസിനോട് പറയുകയും ചെയ്തു. മാസങ്ങള്ക്ക് ശേഷം അത് വെയ്ന് സ്റ്റെയിനാണെന്ന പെരസ് കണ്ടെത്തി. ഇക്കാര്യം ആരോടും പറയില്ലെന്ന് വാക്കു കൊടുത്തിരുന്നതിനാല് പെരസ് അത് പോലീസിനോട് പറഞ്ഞില്ല.
കേസിലെ രണ്ടു പ്രധാന സാക്ഷികളില് ഒരാളായ മിരിയം ഹാലി തന്നെ വെയ്ന്സ്റ്റെയിന് പ്രകൃതി വിരുദ്ധ ലൈംഗികതയ്ക്ക് ഇരയാക്കി എന്ന ആരോപണമാണ് ഉയര്ത്തിയത്. 2006 ല് വെയ്ന്സ്റ്റെയിന്റെ അപ്പാര്ട്ട്മെന്റില് വെച്ചായിരുന്നു ഇത്. വെയ്ന്സ്റ്റെന് ബെഡ്റൂമിലേക്ക് ഉന്തിക്കയറ്റിയ ശേഷം ബെഡ്ഡില് പിടിച്ചു കിടത്തി. ഓരോ തവണയും ബെഡ്ഡില് നിന്നും എഴുന്നേല്ക്കാന് ശ്രമിക്കുമ്പോള് വെയ്ന്സ്റ്റെയിന് കൂടുതല് ബലം പ്രയോഗിച്ചു കിടക്കയില് പിടിച്ചു കിടത്തി. ഒരു ഘട്ടത്തില് താന് ബലാത്സംഗത്തിന് ഇരയാകുകയാണെന്ന് തിരിച്ചറിയുകയായിരുന്നെന്ന് അവര് കണ്ണീരോടെയാണ് വിവരിച്ചത്.
വെയ്ന്സ്റ്റെന് നിര്മ്മിക്കുന്ന ടെലിവിഷന് ഷോയില് പ്രൊഡക്ഷന് അസിസ്റ്റന്റായിരുന്നതിനാലാണ് അന്ന് പോലീസില് പറയാതിരുന്നതെന്നും ഇവര് പറഞ്ഞു. ബ്രിട്ടീഷുകാരിയായ തനിക്ക് യുഎസില് വര്ക്ക് വിസ ഇല്ലായിരുന്നു എന്നും പറയുന്നു. 2004 ല് ബ്രിട്ടീഷ് സംവിധായകന് മൈക്കല് വൈറ്റിന്റെ അസിസ്റ്റന്റാക്കി ഹാലിയെ നിയോഗിച്ചത് വെയ്ന്സ്റ്റനായിരുന്നു. ഏതാനും മാസം കഴിഞ്ഞ് വീണ്ടും ന്യൂയോര്ക്കിലെ ഒരു ഹോട്ടലില് വെച്ച് വെയ്ന്സ്റ്റെയിന് ഹാലിയെ ഉപയോഗിച്ചു. ഹോട്ടലില് വെച്ച് വെയ്ന്സ്റ്റെയിനെ കാണാന് ഹാലി സമ്മതിച്ചു. പ്രതിരോധിക്കാന് പോലും കൂട്ടാക്കാതെ മരിച്ചത് പോലെ കിടന്നെന്ന് അവര് പിന്നീട് പറഞ്ഞു.
