ആട് 3 പ്രഖ്യാപിച്ച സംവിധായകന് മിഥുന് മാനുവലിന്റെ ഫേസ്ബുക്ക് പേജില് ചിത്രത്തിന്റെ ആദ്യ ഭാഗങ്ങളിലെ ക്യാമറമാനായ വിഷ്ണു നാരായണനെ ഒഴിവാക്കണമെന്ന ആവശ്യം ഉയരുന്നു. ഡല്ഹി കലാപവുമായി ബന്ധപ്പെട്ട് കടുത്ത വര്ഗീയ പരാമര്ശം നടത്തിയെന്നാണ് ആരോപണം. കഴിഞ്ഞ ദിവസം ഈ പ്രശ്നം വാര്ത്തയായിരുന്നു.
ഡല്ഹി കലാപവുമായി ബന്ധപ്പെട്ട് ഒരു മാധ്യമ പ്രവര്ത്തകയുടെ ഫേസ്ബുക്ക് പേജില് നടന്ന ചര്ച്ചയില് ഇടപെട്ട് വിഷ്ണു നാരായണന് വര്ഗീയത പ്രകടിപ്പിക്കുന്ന കമന്റിട്ടു എന്നാണ് ആരോപണം. കലാപകാരികള് പള്ളിമിനാരത്തില് കയറി തങ്ങളുടെ കൊടി സ്ഥാപിക്കുന്ന ചിത്രത്തിന് താഴെ 'കൊടുത്താല് കൊല്ലത്തും കിട്ടും കേട്ടിട്ടില്ലേ നിങ്ങളുടെ അണ്ണാക്കില് വന്നു കോലിട്ടാല് മിണ്ടാതിരിക്കുമോ? അങ്ങനെ കണ്ടാല് മതി' എന്നായിരുന്നു കമന്റ്.
അതേസമയം ഈ കമന്റ് പിന്നീട് നീക്കം ചെയ്തതായാണ് റിപ്പോര്ട്ടുകള്. വിര്ഗീയവാദിയെ ക്യാമറമാനായി നിശ്ചയിച്ചാല് പടം ബഹിഷ്കരിക്കുമെന്നും മറ്റുമെല്ലാം മിഥുന്റെ ഫേസ്ബുക്ക് പേജില് കമന്റുകള് വരുന്നുണ്ട്.
