ആസിഫ് അലി നാകനായി എത്തിയ കെട്ട്യോളാണ് എന്റെ മാലാഖ എന്ന ചിത്രത്തിലൂടെ ശ്രദ്ധേയയായി മാറിയ നടിയാണ് വീണ നന്ദകുമാര്. വീണയുടെ ചില തുറന്ന് പറച്ചിലുകളിലൂടെയും നിലപാടുകളിലൂടെയും നടി താന് വ്യത്യസ്തയെന്ന് തെളിയിച്ച് കഴിഞ്ഞു. അടുത്തിടെ താന് മദ്യപിക്കുമെന്നും ബിയറാണ് ഇഷ്ടമെന്നും നടി തുറന്ന് പറഞ്ഞിരുന്നു. ഇപ്പോള് മദ്യപിക്കുമെന്ന് തുറന്ന് പറയാന് എന്തിനാണ് പേടിക്കുന്നത് എന്നാണ് നടി ചോദിക്കുന്നത്. ഒരു മാഗസിന് നല്കിയ അഭിമുഖത്തിലാണ് താരം ഇത്തരത്തില് പ്രതികരിച്ചത്.
'മദ്യപിക്കുന്നത് തുറന്നു പറയാന് എന്തിനാണ് പേടിക്കുന്നത്.? അത് അത്ര വലിയ കുറ്റമാണോ? ബിയര് അടിച്ചാല് കുറച്ചധികം സംസാരിക്കും എന്ന് ഞാനൊരു അഭിമുഖത്തില് പറഞ്ഞിരുന്നു. ഞാന് ബിയര് കഴിക്കാറുണ്ട്. ഇന്നത്തെ തലമുറയിലെ ഭൂരിഭാഗം കുട്ടികളും ബിയര് അടിക്കുന്നവരാണ്. അത് തുറന്നു പറയുന്നതില് കുഴപ്പമുള്ളതായി എനിക്ക് തോന്നിയിട്ടില്ല. മറ്റൊരാളെയും ദ്രോഹിക്കുന്ന കാര്യമൊന്നുമല്ലല്ലോ .അത് ഓരോരുത്തരുടെയും സ്വകാര്യ ഇഷ്ടങ്ങളാണ്. പിന്നെ ഞാന് പറഞ്ഞത് വളച്ചൊടിച്ചു ആഘോഷിക്കുന്നതും ട്രോള് വീഡിയോ ഇറക്കുന്നതുമൊക്കെ ശരിയാണോ എന്ന് അത് ചെയ്യുന്നവര് ചിന്തിക്കുക'.
തിരഞ്ഞെടുക്കുന്ന സിനിമകളുടെ കാര്യത്തിലും തന്റെ നിലപാട് വീണ വ്യക്തമാക്കി. ഇന്ന വേഷങ്ങളെ ചെയ്യുള്ളൂ എന്ന നിബന്ധനകളൊന്നും തനിക്കില്ലെന്നും നല്ലൊരു ഗ്ലാമറസ് റോള് കിട്ടിയാല് അത് ചെയ്യും. 'അഭിനയിക്കുമ്പോള് നിബന്ധനകളൊന്നുമില്ല. നല്ലൊരു ഗ്ലാമറസ് റോള് കിട്ടിയാല് അത് ചെയ്യും. അല്ലാതെ ഇന്നതേ ചെയ്യൂ ഇന്നത് ചെയ്യില്ല എന്നില്ല. തിരക്കഥയ്ക്കാണ് മുന്ഗണന നല്കുന്നത്. ഒരു അഭിനേത്രിക്ക് ഓപ്പണായിട്ടുള്ള ഒരു മനസാണ് എപ്പോഴും വേണ്ടതെന്നാണ് എന്റെ വിശ്വാസം. നല്ലൊരു സ്ക്രിപ്റ്റില് നല്ലൊരു കഥാപാത്രത്തിനായി എന്തും ചെയ്യും'.- വീണ പറഞ്ഞു.
