കൊച്ചി: കൊവിഡ് ബാധയുടെ ഭീഷണിയില് ആളുകള് കൂട്ടം കൂടുന്നതിനെ സര്ക്കാര് കര്ശനമായി വിലക്കിയ സാഹചര്യത്തില് ബിഗ്ബോസ് മത്സരാര്ത്ഥി രജിത് കുമാറിനെ സ്വീകരിക്കാര് വിമാനത്താവളത്തില് ജനക്കൂട്ടമെത്തിയത് വന്വിവാദമായിരുന്നു. വിമാനത്താവളത്തില് എത്തിയ രജിത് കുമാറിനോട് മറ്റൊരു വഴിയിലൂടെ പുറത്തേക്ക് പോകാനും അധികൃതര് ആവശ്യപ്പെട്ടു. എന്നാല്, നിര്ദ്ദേശം പാലിക്കാതെ ജനക്കൂട്ടത്തിന് നടുവിലേക്ക് ഇറങ്ങുകയായിരുന്നു രജിത്. രജിത്തിനും കണ്ടാലറിലാവുന്ന ചിലര്ക്കുമെതിരേ പോലീസ് കേസ് എടുക്കുകയും ചെയ്തു. മുഖ്യമന്ത്രിയും സംഭവത്തെ ശക്തമായി വിമര്ശിച്ചു.
സംഭവത്തില് കൂടുതല് ആളുകളെ അറസ്റ്റ് ചെയ്യുകയും ചെയ്തു. രജിത് ഒളിവില് േപായെന്ന തരത്തിലുള്ള റിപ്പോര്ട്ടുകളും പുറത്തുവന്നിരുന്നു. എന്നാല്, ഇയാള് ഇന്ന് വൈകിട്ട് നെടുമ്പാശ്ശേരി പോലീസിന് മുന്നില് ഹാജരാകുമെന്ന തരത്തിലുള്ള റിപ്പോര്ട്ടുകളും വരുന്നുണ്ട്. ഇതുവരെ കേസില് 13 പേരാണ് അറസ്റ്റിലായിരിക്കുന്നത്. ഇവര് എറണാകുളം ജില്ലയിലെ വിവിധയിടങ്ങളില് നിന്നുള്ളവരാണ്. എന്നാല്, ഇപ്പോള് അറിയാന് കഴിയുന്നത് ഇത്തരത്തില് വിമാനത്താവളത്തില് ആളുകള് കൂട്ടംകൂട്ടിയെത്തിയത് രജിത്തിന്െ്റ നിര്ദ്ദേശപ്രകാരമായിരുന്നു എന്നാണ്. രജിത് ആര്മി എന്ന ഫാന്സ് അസോസിയേഷന്െ്റ നേതൃത്വത്തിലായിരുന്നു സ്വീകരണം. വിമാനത്താവളത്തില് എത്തിയ വിദ്യാര്ത്ഥികളോട് കൂട്ടം കൂടരുതെന്ന് പറഞ്ഞെങ്കിലും ഇവര് അനുസരിച്ചില്ലെന്ന് പോലീസ് പറഞ്ഞു.
സ്വീകരണത്തിന്െ്റ ദൃശ്യങ്ങള് പോലീസ് പരിശോധിച്ചു. 75 ഓളം പേര്ക്കെതിരേയാണ് ഇപ്പോള് കേസെടുത്തിട്ടുള്ളത്. ഇതില് 50ഓളം പേരെ തിരിച്ചറിഞ്ഞിട്ടുണ്ടെന്നും പോലീസ് പറഞ്ഞു. രജിത് കുമാറിന് സ്വീകരണമൊരുക്കിയതിനെ മന്ത്രി ജി. സുധാകരനും കടുത്ത ഭാഷയില് വിമര്ശിച്ചു. സംഭവത്തില് നടപടിയെടുത്ത എറണാകുളം ജില്ലാ കലക്ടറുടെ നടപടിയെ അദ്ദേഹം പ്രശംസിക്കുകയും ചെയ്തു.
