ദുബായ്: വിമാനം കാത്തിരുന്ന് ക്ഷീണിച്ച യാത്രക്കാരന് ഉറങ്ങിപ്പോയി. യാത്രക്കാരനെ കയറ്റാതെ വിമാനം പുറപ്പെട്ടു. ഏറെ വൈകി ഉണര്ന്ന യാത്രക്കാരന് വിമാനത്താവളത്തില് കുടുങ്ങിപ്പോയി. ദുബായില് നിന്ന് നാട്ടിലേക്ക് വിമാനം കാത്തിരുന്ന ഇന്ത്യക്കാരനാണ് ഈ അവസ്ഥ.
പൂനെ സ്വദേശി അരുണ് സിംഗ് (37)നാണ്് ഈ ദുരവസ്ഥ. ഇമിഗ്രേഷനും സെക്യൂരിറ്റി പരിശോധനകളും പൂര്ത്തിയാക്കി ഞായറാഴ്ച പുലര്ച്ചെ നാലു മണിക്കുള്ള വിമാനം കാത്തിരിക്കുകയായിരുന്നു അരുണ് സിംഗ്. അഹമ്മദാബാദിലേക്കുള്ള എമിറേറ്റ്സ് വിമാനത്തില് നാട്ടിലേക്ക് തിരിക്കാന് വെയ്റ്റിംഗ് ഏരിയയില് ഇരുന്ന അരുണ് സിംഗ് ഉറങ്ങിപ്പോയി. വിമാനം സമയത്ത് പറന്നുയരുകയും ചെയ്തു.
യു.എ.ഇയില് നിന്ന് പുറത്തേക്കുള്ള അവസാന വിമാനമായിരുന്നു അത്. അതിനുശേഷം യു.എ.ഇയിലേക്ക് വിമാനങ്ങള് വരുന്നതിനോ പുറത്തേക്ക് പോകുന്നതിനോ സര്ക്കാര് അനുമതി നല്കിയില്ല. കൊറോണ വൈറസ് രാജ്യത്ത് പടര്ന്നുപിടിക്കുന്ന സാഹചര്യത്തിലായിരുന്നു അധികൃതരുടെ ഈ നടപടി.
നിയന്ത്രണം ഏര്പ്പെടുത്തിയതോടെ വിമാനത്താവളത്തിന് പുറത്തേക്ക് പോകുന്നതിനും അരുണ് സിംഗിന് അനുമതി കിട്ടിയില്ല. അടിയന്തിരമായി നാട്ടിലെത്തേണ്ട സാഹചര്യമുള്ളതിനാലാണ് വിമാനത്താവളത്തില് എത്തിയത്. താന് ഏറെ ക്ഷീണിതനായിരുന്നു. അതുകൊണ്ട് ഉറങ്ങിപ്പോയി.-അരുണ് സിംഗ് ഗള്ഫ് ന്യുസിനോട് പ്രതികരിച്ചു.
ആദ്യം തന്നെ അറൈവല്സ് ഇമിഗ്രേഷന് ഹാളിലേക്ക് പോകാന് അധികൃതര് അനുവദിച്ചിരുന്നു. പിന്നീട് ഗള്ഫ് കോര്പറേഷന് കൗണ്സില് രാജ്യങ്ങളില് നിന്നുള്ളവര്ക്ക് മാത്രമേ അനുമതിയുളളൂ എന്ന് പറഞ്ഞ് അവര് അത് നിഷേധിച്ചു. താന് ഉറങ്ങിപ്പോയതാണെന്നും ആകസ്മികമായി സംഭവിച്ച പിഴവാണെന്നും അധികൃതരോട് പറഞ്ഞുനോക്കി.
ഇന്ത്യന് കോണ്സുലേറ്റിലേക്ക് വിളിച്ചുനോക്കി. എന്നാല് ഒരു വിവരവും ലഭിച്ചില്ല. ലഗ്ഗേജുകളും തന്റെ പക്കലില്ല. അതുകൊണ്ട് കുറച്ചു വസ്ത്രങ്ങള് വാങ്ങണം. ഷോപ്പുകള് തുറന്നിരിക്കുന്നതില് ഭക്ഷണം വാങ്ങാന് കഴിയുന്നുണ്ട്. കുളിക്കാനും കഴിഞ്ഞു. ബുധനാഴ്ചയോടെ വിമാനത്താവളം അടയ്ക്കുമെന്ന് ഇവര് പറയുന്നു. അതിനു ശേഷം എന്തു സംഭവിക്കുമെന്ന് അറിയില്ലെന്നും അരുണ് സിംഗ് പറഞ്ഞു.
