ടെലിവിഷന് സീരിയലുകളിലൂടെ മലയാളികള്ക്ക് സുപരിചിതയാണ് സാധിക. നിരവധി ടെലിവിഷന് പരിപാടികളിലും സാധിക പങ്കെടുക്കാറുണ്ട്. കുടുംബപ്രേക്ഷകരുടെ ഇഷ്ടക്കാരിയായ സാധിക സൈബര് സദാചാരാക്രമണത്തിന് പലപ്പോഴും ഇരയാവേണ്ടി വന്നിട്ടുണ്ട്. ഒരു മാസികയക്ക് നല്കിയ അഭിമുഖത്തില് സാധിക ഇതേ കുറിച്ച് മറുപടി നല്കുകയാണ്.
ജോലിയുടെ ഭാഗം ആയി ആണ് പലതരം വേഷങ്ങള് ധരിക്കുന്നത്. എന്നാല് മറച്ചു വെക്കേണ്ടതാണ് ശരീരം എന്ന തോന്നലാണ് ഇത്തരം കമന്റുകള് ഇടാന് പ്രോത്സാഹിപ്പിക്കുന്നതെന്നും എന്നാല് അങ്ങനെ മറച്ചു വെയ്ക്കുമ്പോള് കാണാന് ഉള്ള കൗതുകം കൂടി അത് പീഡനമായേക്കുമെന്നും സാധിക പറയുന്നു. തനിക്ക് പലരും അശ്ലീല സന്ദേശങ്ങളും ഫോട്ടോകളും അയക്കാറുണ്ട്. എന്നും രാവിലെ ആരെങ്കിലും ഒക്കെ അയച്ച അശ്ലീല സന്ദേശങ്ങള് കാണും. വാട്സാപ്പ് ഫേസ്ബുക് ഇന്സ്റ്റാഗ്രാം എല്ലാത്തിലും ഒരേ അവസ്ഥ. വീട്ടുകാരെ തെറി വിളിക്കുക. ഇത്തരത്തില് ഉള്ള വസ്ത്ര ധാരണം കൊണ്ടാണ് തെറി വിളിക്കുന്നത് എന്ന് പറയുക, മിക്കവാറും ദിവസങ്ങളില് പോലും ഇത്തരം സന്ദേശങ്ങള് കണ്ടുകൊണ്ടാണ് ഉണരുന്നതെന്നും സാധിക പറയുന്നു.
