ബോളിവുഡിന്റെ പ്രിയപ്പെട്ട നായികയായിരുന്ന മനീഷ കൊയ്രാള വിവാഹത്തിനു ശേഷം സിനിമയില് നിന്ന് ഇടവേളയെടുത്തിരുന്നു. പിന്നീട് കാന്സര് ബാധിതയായെങ്കിലും രോഗവിമുക്തി നേടി സിനിമയിലേയ്ക്കും ജീവിതത്തിലേയ്ക്കും ശക്തമായി തിരിച്ചെത്തിയിരുന്നു. ലോക്ക്ഡൗണ് ആയപ്പോള് പഴയ ഓര്മകള് പങ്കുവെക്കുകയാണ് താരം.
വീട്ടില് അടച്ചിരിക്കുന്ന ഈ കാലം തന്നെ ഓര്മിപ്പിക്കുന്നത് കാന്സര് ചികിത്സയുടെ കാലഘട്ടം ആണെന്നാണ് മനീഷ പറയുന്നത്. ചികിത്സയ്ക്കായി ന്യൂയോര്ക്കില് എത്തിയ താരം ആറുമാസത്തോളമാണ് അപ്പാര്ട്ട്മെന്റില് അടച്ചിരുന്നത്. ലോക്ക്ഡൗണിനെ തുടര്ന്ന് മുംബൈയിലെ വീട്ടിലാണ് മനീഷ ഇപ്പോള്. '' ന്യൂയോര്ക്കിലെ ട്രീറ്റ്മെന്റിനിടെ ആറ് മാസത്തോളം അപ്പാര്ട്ട്മെന്റില് അടച്ചിട്ട അവസ്ഥയായിരുന്നു. ഈ സമയത്തേക്കാള് ആയിരം മടങ്ങ് മോശമായിരുന്നു അന്നെനിക്ക്.
ഇപ്പോള് രണ്ടു മാസത്തേക്ക് ലോക്ക്ഡൗണ് ആണെങ്കിലും എല്ലാ നിര്ദേശങ്ങളും പാലിച്ചാല് കാര്യങ്ങള് മെച്ചപ്പെടുമെന്ന് പ്രതീക്ഷിക്കുന്നു. എല്ലാവരും ബോറടിച്ച് പിരിമുറുക്കത്തിലായിരിക്കും എന്നറിയാം. എങ്കിലും മുന്കാല അനുഭവങ്ങളില് നിന്നും പ്രചോദനം ഉള്ക്കൊള്ളണമെന്ന് കരുതുന്നു. ആരോഗ്യപ്രവര്ത്തകരുടേയും സര്ക്കാരിന്റേയും നിര്ദേശങ്ങള് പാലിക്കുന്നുണ്ട്.'' മനീഷ കൊയ്രാള പറയുന്നു.
