മുംബൈ: ലോക്ഡൗണ് മൂലം ദൈനംദിന ആക്ടിവിറ്റികള് മുടങ്ങിയതോടെ ഇന്ത്യയിലെ കൗമാരക്കാര് പോര്ണോഗ്രാഫിയില് വ്യാപൃതരാകുന്നു. ഫോണിലും മറ്റ് സാങ്കേതിക ഉപകരണങ്ങളിലും ലൈംഗിക ദൃശ്യങ്ങളും വീഡിയോകളും ആസ്വനിക്കുന്ന 13 നും 15 നും ഇടയില പ്രായക്കാര് കൂടുന്നെന്നും ഇവരുടെ ഈ കാഴ്ച ഉറക്കം കുറയ്ക്കുന്നത് ഉള്പ്പെടെയുള്ള ആരോഗ്യ പ്രശ്നങ്ങള് സൃഷ്ടിക്കുന്നു.
കളികള്, കൂട്ടുകാരുമായുള്ള കറക്കം തുടങ്ങി വിനോദത്തിനുള്ള സാഹചര്യങ്ങള് എല്ലാം ഇല്ലാതായതോടെ സ്ക്രീനു മുന്നില് കൗമാരക്കാര് മണിക്കൂറുകള് ചെലവഴിച്ച് ലൈംഗിക ദൃശ്യങ്ങള് ആസ്വദിക്കാന് പ്രവണത കാട്ടുകയാണ്. ചിലര് പ്രായം തെറ്റിദ്ധരിപ്പിച്ച് ഡേറ്റിംഗ് ആപ്പുകളില് റജിസ്റ്റര് ചെയ്യുകയും അപരിചിതരുമായി ചാറ്റിംഗ് നടത്തുകയും അശ്ളീല ഫോട്ടോകള് ഉള്പ്പെടെയുള്ളവ പങ്കു വെയ്ക്കുകയും ചെയ്യുന്നു. കൗമാരപ്രായത്തിലുള്ളവര് ശരീരത്തില് മുറിവ് ഉണ്ടാക്കുന്നതിനെതിരേ മാനസീകാരോഗ്യ വിദഗ്ദ്ധരുടെ മുന്നില് പരാതിയുമായി എത്തിയ മാതാപിതാക്കളെ ഉദ്ധരിച്ചാണ് റിപ്പോര്ട്ട്.
സാധാരണയായി സ്വകാര്യത ആഗ്രഹിക്കുന്ന കൗമാരക്കാര് സ്കൂള്, കോളേജ്, സ്പോര്ട്ടസ്, സുഹൃത്തുക്കളുമായുള്ള കറക്കം തുടങ്ങി ലോക് ഡൗണിന് മുമ്പ് ചെയ്തിരുന്ന ഔട്ട്ഡോര് ആക്ടിവിറ്റീസെല്ലാം നടത്തിയിരുന്നു. എന്നാല് എല്ലാം പോയതോടെയാണ് കൗമാരക്കാര് വിര്ച്വല് ലോകത്തേക്ക് പോയത്്. ബോറഡിക്കാന് തുടങ്ങിയതോടെയാണ് കൗമാരക്കാര് ഓണ്ലൈനില് പരീക്ഷണം തുടങ്ങിയത്. മണിക്കൂറുകളോളം ഓണ്ലൈനില് ചെലവഴിക്കുന്നത്് ഉറക്കക്കുറവും മുഷിപ്പും ഉണ്ടാക്കുമെന്ന് വിദഗ്ദ്ധര് പറയുന്നു.
അടുത്തിടെ ശരീരം മുറിപ്പെടുത്തി എത്തുന്ന കൗമാരക്കാരുടെ എണ്ണം കൂടുന്നതായി ആരോഗ്യ വിദഗ്ദ്ധര് പറയുന്നു. 13 നും 15 നും ഇടയില് പ്രായക്കാരാണ് കൂടുതല്. ഗുരുതരമല്ലാത്ത പരിക്കുകള് സ്വയം ഉണ്ടാക്കുന്നതിന് കാരണം തന്നെ ആശുപത്രിയില് എത്തിക്കുന്നത് വഴി മാതാപിതാക്കളുടെ ശ്രദ്ധ കിട്ടുകയാണ്. കുട്ടികളില് അച്ചടക്കം അടിച്ചേല്പ്പിക്കാന് നടത്തുന്ന ശ്രമം കുട്ടികളെ ആക്രമണകാരികളാക്കി മാറ്റുന്നു. കുട്ടികള് പുകവലിക്കും മദ്യപാനത്തിനും ഇരയാകുന്നതായുള്ള പ്രശ്നങ്ങള് എങ്ങിനെ പരിഹരിക്കുമെന്ന ആശങ്കയും മാതാപിതാക്കള് പുലര്ത്തുന്നുണ്ട്. കുട്ടികളെ ഈ സാഹചര്യത്തില് തടയാന് ശ്രമിച്ചാല് അവര് ആത്മഹത്യയ്ക്ക് വരെ തയ്യാറാക്കുമെന്നാണ് മനശ്ശാസ്ത്ര വിദഗ്ദ്ധരുടെ കണ്ടെത്തല്.
