ന്യൂഡലഹി: കോവിഡ് ബാധിച്ച് മരണമടഞ്ഞ ഡല്ഹി പോലീസ് കോണ്സ്റ്റബിളിന്റെ കുടുബത്തിന് ഡല്ഹി സര്ക്കാര് പ്രഖ്യാപിച്ചത് ഒരു കോടി രൂപ. കുടുംബത്തോടുള്ള അനുശോചനം അറിയിച്ച ട്വീറ്റിലൂടെയാണ് ഡല്ഹി മുഖ്യമന്ത്രി അരവിന്ദ് കെജ്രിവാള് സഹായവും പ്രഖ്യാപിച്ചത്. ന്യൂഡല്ഹി ഭരത് നഗര് പോലീസ് സ്റ്റേഷനിലെ പോലീസുകാരനായിരുന്ന ഹരിയാനയിലെ സോണിപത്തില് നിന്നുള്ള 31 കാരന് കോണ്സ്റ്റബിളാണ് മരണമടഞ്ഞത്.
ചൊവ്വാഴ്ച തനിക്ക് സുഖമില്ലെന്ന് അറിയിച്ചതിനെ തുടര്ന്ന് കോണ്സ്റ്റബിള് അമിത്കുമാറിനെ ആശുപത്രിയില് പ്രവേശിപ്പിക്കുകയായിരുന്നു. തുടര്ന്ന് രാം മനോഹര് ലോഹ്യ ആശുപത്രിയില് പ്രവേശിപ്പിക്കുകയും മരണം സംഭവിക്കുകയുമായിരുന്നു. തുടര്ന്നാണ് ഇദ്ദേഹത്തിന് കോവിഡ് പരിശോധന നടത്തിയതും പോസിറ്റീവാണെന്ന് കണ്ടെത്തിയതും. കോണ്സ്റ്റബിളിന് ഭാര്യയും മൂന്ന് വയസ്സുള്ള മകനുമാണുള്ളത്. ഡല്ഹിയിലെ ജനങ്ങള്ക്ക് വേണ്ടി സ്വന്തം ജീവന് പോലും നോക്കാതെ ജോലി ചെയ്തയാളാണ് അമിത്ജി. അദ്ദേഹം ഒടുവില് കോവിഡിന് കീഴടങ്ങി മരണമടഞ്ഞു. ജീവന് തന്നെ ബലികഴിക്കേണ്ടി വന്ന അദ്ദേഹത്തിനു ഡല്ഹി പോലീസിനൊപ്പം താനും ആദരാഞ്ജലി അര്പ്പിക്കുകയാണെന്നും കുടുംബത്തിന് സഹായമായി ഒരു കോടിരൂപ സഹായം നല്കുമെന്നുമായിരുന്നു കെജ്രിവാളിന്റെ ട്വീറ്റ്.
കോണ്സ്റ്റബിളിന്റെ കുടുംബത്തെ ഏറ്റെടുക്കുമെന്ന് ഈസ്റ്റ്ഡല്ഹി എംപിയും ക്രിക്കറ്റ്താരവുമായ ഗൗതം ഗംഭീറും പ്രഖ്യാപിച്ചിട്ടുണ്ട്. തന്റെ ഫൗണ്ടേഷന് മരണമടഞ്ഞയാളുടെ മകന്റെ കാര്യങ്ങള് ചെയ്യുമെന്ന് ഗംഭീറും ട്വീറ്റ് ചെയ്തു. അദ്ദേഹത്തിന് മുന്നില് ഡല്ഹിയും ഭരണകൂടവും സംവിധാനങ്ങളുമെല്ലാം പരാജയപ്പെട്ടെന്ന് ഗംഭീര് ട്വീറ്റ് ചെയ്തു. കോണ്സ്റ്റബിളിനെ മടക്കി കൊണ്ടുവരാന് ഇനി കഴിയില്ല. പക്ഷേ അദ്ദേഹത്തിന്റെ മക്കളെ സ്വന്തം മക്കളെ പോലെ നോക്കുമെന്നും കുട്ടിയുടെ പഠനത്തിന്റെ മുഴുവന് ഉത്തരവാദിത്വവും ഏറ്റെടുക്കുമെന്നും ഗംഭീറിന്റെ ട്വീറ്റില് പറഞ്ഞു.
