ലോക മാതൃദിനമായിരുന്നു ഇന്നലെ. നിരവലധി പേരാണ് തങ്ങളുടെ അമ്മമാര്ക്ക് മാതൃദിന ആശംസകളുമായി രംഗത്ത് എത്തിയത്. ഇതില് അല്പ്പം വ്യത്യസ്തമാര്ന്നത് തമിഴ് സംവിധായകന് വിഘ്നേഷ് ശിവന്റെ സോഷ്യല് മീഡിയ പോസ്റ്റ് ആയിരുന്നു. തന്റെ അമ്മയ്ക്ക് മാത്രമല്ല, ഭാവി അമ്മായിയമ്മയ്ക്കും, തന്റെ കുഞ്ഞുങ്ങളുടെ അമ്മയാകാന് പോകുന്നവള്ക്കും കൂടിയാണ് വിഘ്നേഷ് ആശംസകള് നേര്ന്നത്.
നടിയും വിഘ്നേഷിന്റെ കാമുകിയുമായ നയന്താരയും അമ്മയും ഒന്നിച്ചുള്ള ചിത്രങ്ങളാണ് ആദ്യം വിഘ്നേഷ് സോഷ്യല് മീഡിയകളില് പങ്കുവച്ചത്. മാതൃദിനാശംസകള് മിസിസ് കുര്യന്. ഈ സുന്ദരിക്കുട്ടിയെ നന്നായി വളര്ത്തി നിങ്ങള്. ഞങ്ങള് നിങ്ങളെ ഒരുപാട് സ്നേഹിക്കുന്നു അമ്മേ. നന്ദി അമ്മു,' എന്നാണ് നയന്താരയും അമ്മയും ഒന്നിച്ചുള്ള ചിത്രത്തിന് വിഘ്നേഷ് നല്കിയ അടിക്കുറിപ്പ്.
'ഭാവിയില് എനിക്കുണ്ടാകാന് പോകുന്ന കുട്ടികളുടെ അമ്മയുടെ കൈയിലുള്ള കുട്ടിയുടെ അമ്മയ്ക്ക് മാതൃദിനാശംസകള്,' എന്ന അടിക്കുറിപ്പോടെയാണ് നയന്താരയുടെ ചിത്രം വിഘ്നേഷ് പങ്കുവച്ചത്.
