ന്യൂഡല്ഹി: കോവിഡ് ഭീഷണിയെത്തുടര്ന്ന് 50 ദിവസമായി നിര്ത്തിവച്ചിരുന്ന ട്രെയിന് സര്വീസ് ഇന്നു ഭാഗികമായി പുനരാരംഭിക്കും. കേരളത്തിലേയ്ക്കുള്ള ആദ്യട്രെയിന് നാളെ 11.25ന് ഡല്ഹിയില്നിന്ന് തിരുവനന്തപുരത്തേക്ക്. വെള്ളി പുലര്ച്ചെ 5.20ന് തിരുവനന്തപുരത്ത് എത്തും. കേരളത്തിലേക്ക് ഡല്ഹിയില്നിന്ന് ആഴ്ചയില് മൂന്നുദിവസമാണ് സര്വീസ്. ചൊവ്വ, ബുധന്, ഞായര് ദിവസങ്ങളില്. കോഴിക്കോട്, എറണാകുളം സ്റ്റേഷനുകളില് സ്റ്റോപ്പുണ്ടാകും. വിവിധ സംസ്ഥാനതലസ്ഥാനങ്ങളിലേക്കും തിരിച്ചുമായി 30 സര്വീസുകളാണുണ്ടാകുക.
ആദ്യഘട്ടത്തില് സര്വീസ് നടത്തുന്ന 15 ട്രെയിനുകളിലേക്കുള്ള ടിക്കറ്റ് ബുക്കിങ് ഇന്നലെ െവെകിട്ട് ആറിന് ആരംഭിച്ചു. െവെകിട്ട് നാലുമണി മുതല് ബുക്കിങ് ആരംഭിക്കുമെന്ന് അറിയിച്ചിരുന്നെങ്കിലും ആളുകള് ഇടിച്ചുകയറിയതോടെ റെയില്വേ ബുക്കിങ് വെബ്െസെറ്റ് തകര്ന്നു. ആറോടെ തകരാറുകള് പരിഹരിച്ചശേഷമാണ് ബുക്കിങ് പുനരാരംഭിച്ചത്. ഓണ്െലെന് വഴി മാത്രമാണ് ടിക്കറ്റുകള് നല്കുക. ആദ്യ സര്വീസ് ഇന്ന് െവെകിട്ട് 4:55-ന് ഡല്ഹിയില്നിന്ന് ഹൗറയിലേക്കാണ്. ഹൗറ, മുംെബെ, അഹമ്മദാബാദ്, രാജേന്ദ്രനഗര്, ബംഗളുരു, ദിബ്രുഗഡ്, ജമ്മുതവി എന്നിവിടങ്ങളിലേക്ക് പ്രതിദിന സര്വീസുകളാണ്.
ബിലാസ്പുര്, ഭുവനേശ്വര്, ചെെന്നെ, റാഞ്ചി, മഡ്ഗാവ് എന്നിവിടങ്ങളിലേക്ക് ആഴ്ചയില് രണ്ടു സര്വീസുകള് നടത്തുമ്പോള് സെക്കന്ദരാബാദിലേക്കും അഗര്ത്തലയിലേക്കു പ്രതിവാര ട്രെയിനുകള് ഓടും. ശനിയാഴ്ച ചേര്ന്ന കേന്ദ്രസര്ക്കാരിന്റെ ഉന്നതതല യോഗത്തിലാണ് ലോക്ക്ഡൗണ് പിന്വലിക്കുംമുമ്പേ ട്രെയിന് സര്വീസ് പുനരാരംഭിക്കാനുള്ള തീരുമാനം െകെക്കൊണ്ടത്.
സ്പെഷല് രാജധാനി എക്സ്പ്രസാണ് സര്വീസ് നടത്തുന്നത്. ട്രെയിനുകള്ക്ക് ജനറല് ബോഗി ഉണ്ടാകില്ല. ടു ടയര് എസി. നാലു കോച്ചുകളും ത്രീ ടയര് എ.സി. 20 കോച്ചുകളുമായിരിക്കും ഉണ്ടാകുകയെന്നാണ് സൂചന. യാത്രക്കാരുടെ എണ്ണം മൂന്നില് രണ്ടായി കുറയ്ക്കില്ലെന്നു റെയില്വേ അറിയിച്ചിട്ടുണ്ട്. എല്.എച്ച്.ബി. കോച്ചുകളാണെങ്കില് 1654 യാത്രക്കാര്ക്കും ഐ.സി.എഫ്. കോച്ചുകളാണെങ്കില് 1444 യാത്രക്കാര്ക്കും സഞ്ചരിക്കാം. രാജധാനി എക്സ്പ്രസിന്റെ പ്രീമിയം നിരക്കാണ് ഈടാക്കുകയെന്നു റെയില്വേ വ്യക്തമാക്കിയിട്ടുണ്ട്. ഫ്ളെക്സി നിരക്കാണ് രാജധാനിക്കെന്നതിനാല് ഡല്ഹി-തിരുവനന്തപുരം യാത്രയ്ക്ക് 3500 രൂപ മുതല് 7500 രൂപ വരെയാകും
15-നാണ് കേരളത്തില്നിന്ന് ഡല്ഹിയിലേക്കുള്ള ആദ്യ സര്വീസ്. ചൊവ്വ, വ്യാഴം, വെള്ളി ദിവസങ്ങളിലാണ് കേരളത്തില്നിന്നുള്ള സര്വീസുകള്. രാത്രി 7.15 നു ട്രെയിന് തിരുവനന്തപുരത്തുനിന്നു പുറപ്പെടും. രണ്ടാംദിവസം ഉച്ചയ്ക്ക് 12.40ന് ഡല്ഹിയില് എത്തും.
യാത്രക്കാര്ക്ക് മാര്ഗനിര്ദേശങ്ങള്
* യാത്രക്കാര് 90 മിനിറ്റ് മുമ്പേ സ്റ്റേഷനിലെത്തണം.
* യാത്രക്കാര്ക്ക് തെര്മല് സ്ക്രീനിങ് നിര്ബന്ധം
* രോഗലക്ഷണമില്ലാത്തവര്ക്കേ യാത്ര അനുവദിക്കൂ
* യാത്രയില് സാമൂഹിക അകലം പാലിക്കണം; മാസ്ക് നിര്ബന്ധം
* കണ്ഫേം ടിക്കറ്റുള്ളവരെയേ സ്റ്റേഷനില് പ്രവേശിപ്പിക്കൂ.
* സ്റ്റേഷനില് പ്രവേശിക്കാന് ഇ-ടിക്കറ്റ് മതി.
* സ്റ്റേഷനിലേക്കും പുറത്തേക്കും യാത്രക്കാരെ കയറ്റി വരുന്ന വാഹനങ്ങള് ടിക്കറ്റ് കാട്ടിയാലേ കടത്തിവിടൂ.
* ലക്ഷ്യസ്ഥാനത്ത് എത്തുമ്പോള് അതത് സംസ്ഥാനങ്ങളിലെ നിര്ദേശങ്ങള് യാത്രക്കാര് പാലിക്കണം.
* ഭക്ഷണം, പുതപ്പ്, ബെഡ്ഷീറ്റുകള് റെയില്വേ നല്കില്ല.
* പ്രീ-പായ്ക്ക് ചെയ്ത ലഘുഭക്ഷണങ്ങള്, ബിസ്കറ്റ് മുതലായവ ഓണ്ബോര്ഡ് കാറ്ററിങ് സ്റ്റാഫില് നിന്ന് ലഭ്യമാകും,
പണം നല്കി വാങ്ങാം
* എല്ലാ യാത്രക്കാര്ക്കും സ്േറ്റഷനുകളിലും കോച്ചുകളിലും ഹാന്ഡ് സാനിെറ്റെസര് നല്കും.
* യാത്രക്കാര് നിര്ബന്ധമായും ആരോഗ്യസേതു ഡൗണ്ലോഡ് ചെയ്യണം
