അഹമ്മദാബാദ് : കൊറോണ വൈറസ് വ്യാപനം തടയുന്നതിനായി പ്രഖ്യാപിച്ച ലോക്ക്ഡൗണിനിടെ കുടിയേറ്റ തൊഴിലാളി പ്രതിസന്ധി കൂടുതല് സങ്കീര്ണ്ണമാകുന്നു. ശ്രമിക് ട്രെയിനുകള് റദ്ദാക്കിയതിനെ തുടര്ന്ന് ഗുജറാത്തില് കുടിയേറ്റ തൊഴിലാളികള് വാഹനങ്ങള് കൊള്ളയടിക്കുകയും തകർക്കുകയും ചെയ്തു. രാജ്കോട്ടിലെ ഷാപ്പര് വ്യവസായ മേഖലയിലാണ് സംഭവം.
ഉത്തര്പ്രദേശിലേക്കും ബിഹാറിലേക്കുമുള്ള ശ്രമിക് ട്രെയിനുകള് റദ്ദാക്കിയതിനെ തുടര്ന്നായിരുന്നു കുടിയേറ്റ തൊഴിലാളികള് വാഹനങ്ങള്ക്ക് നേരെ ആക്രമണം നടത്തിയത്. സംഭവത്തില് പങ്കാളികളായവര്ക്കെതിരെ കര്ശന നടപടി സ്വീകരിക്കുമെന്ന് രാജ്കോട്ട് എസ്പി ബല്റാം മീറ അറിയിച്ചു.
ഉത്തര്പ്രദേശ്-മധ്യപ്രദേശ് അതിര്ത്തിയിലും വന്സംഘര്ഷമുണ്ടായി. കുടിയേറ്റ തൊഴിലാളികള് ബാരിക്കേഡുകള് തകര്ത്ത് ഉത്തര്പ്രദേശിലേക്ക് കടന്നു. പോലീസ് ലാത്തി ചാര്ജ് നടത്തി ബാരിക്കേഡ് പുനഃസ്ഥാപിച്ചു. കുടിയേറ്റ തൊഴിലാളികള് കാല്നടയായി വരരുതെന്ന മുഖ്യമന്ത്രി യോഗി ആദിത്യനാഥിന്റെ പ്രഖ്യാപനത്തിന് പിന്നാലെ യുപി അതിര്ത്തികളില് വന് പ്രതിസന്ധിയാണ് രൂപപ്പെട്ടിരിക്കുന്നത്.
Gujarat: Migrant workers ransack vehicles in Shapar industrial area in Rajkot following cancellation of two 'Shramik Special' trains to Bihar & Uttar Pradesh. Rajkot SP (Rural) Balram Meena says, "Action will be taken against those involved in the incident". pic.twitter.com/2oWAPQjOsb
— ANI (@ANI) May 17, 2020
