മധുര: നാലു ദിവസം പ്രായമായ പെണ്കുഞ്ഞിനെ എരിക്കിന്പാല് നല്കി അച്ഛനും അമ്മൂമ്മയും ചേര്ന്ന് കൊലപ്പെടുത്തി. മധുര ഷോളവനത്താണ് ദാരുണ സംഭവം. കുഞ്ഞിന്റെ അമ്മ അറിയാതെയാണ് സംഭവം നടന്നതെന്നാണ് സൂചന. സംഭവത്തില് കുഞ്ഞിന്റെ അച്ഛന് തവമണി(33) പാണ്ടിയമ്മാള്(57) എന്നിവരാണ് അറസ്റ്റിലായത്.
കുഞ്ഞ് ഉറക്കത്തില് മരണപ്പെട്ടുവെന്നായിരുന്നു കുടുംബത്തിന്റെ മൊഴി. ആദ്യ ഘട്ടത്തില് അന്വേഷണവുമായി സഹകരിച്ചുവെങ്കിലും തുടര്ന്നുള്ള ചോദ്യം ചെയ്യലില് ഇവര് കുറ്റം സമ്മതിക്കുകയായിരുന്നു. പോസ്റ്റുമോര്ട്ടം റിപ്പോര്ട്ടിലാണ് അസാധാരണ മരണമാണെന്ന് കണ്ടെത്തിയത്. കുഞ്ഞിനെ കൊല്ലാന് ആദ്യം എരിക്കിന് പാല് വിഷം നല്കിയെങ്കിലും കുഞ്ഞ് അതിജീവിച്ചു. തുടര്ന്ന് ശ്വാസം മുട്ടിച്ചാണ് മരണം ഉറപ്പാക്കിയതെന്ന് പോലീസ് വ്യക്തമാക്കി.
മധുരയില് രണ്ട് മാസത്തിനിടെ നടക്കുന്ന മൂന്നാമത്തെ പെണ്ശിശുഹത്യയാണിത്. കഴിഞ്ഞ മാര്ച്ചിലും ഒരു മാസം മാത്രം പ്രായമുള്ള പെണ്കുഞ്ഞിനെ മാതാപിതാക്കള് എരിക്കിന് പാല് നല്കി കൊലപ്പെടുത്തിയിരുന്നു.
