നടന്, മോഡല് എന്ന നിലയില് പ്രശസ്തനാണ് മിലിന്ദ് സോമന്. 1990കളിലെ ഇന്ത്യന് ഫാഷന് മേഖലയിലെ മികച്ച താരമായിരുന്നു മിലിന്ദ് സോമന്. ഫിറ്റ്നെസ് കാത്തുസൂക്ഷിക്കുന്നതില് അദ്ദേഹത്തിന്റെ ആരാധകരാണ് ഇപ്പോഴത്തെ കൗമാരക്കാര്. അന്പത്തിനാലാം വയസിലും ചെറുപ്പമായി ഇരിക്കാന് മിലിന്ദിന് സാധിക്കുന്നത് ചിട്ടയായ ജീവിതവും വ്യായാമവുമാണ്.
ലോക്ക്ഡൗണ് കാലത്ത് വര്ഷങ്ങള്ക്ക് മുന്പ് വലിയ വിവാദമായി മാറിയ ഒരു പരസ്യചിത്രം പങ്കുവെച്ചിരിക്കുകയാണ് ഇദ്ദേഹം. 25 വര്ഷങ്ങള്ക്ക് മുന്പ് ടഫ് ഷൂസ് എന്ന ബ്രാന്റിനു വേണ്ടിയുള്ളതായിരുന്നു ചിത്രം. ശരീരത്തില് പാമ്പിനേയും ചുറ്റി പൂര്വകാമുകിയും മോഡലുമായ മധു സാപ്രെയ്ക്കൊപ്പമുള്ള ചിത്രമാണ് മിലിന്ദ് പങ്കുവെച്ചിരിക്കുന്നത്. ഇരുവരും പൂര്ണ നഗ്നരായി നില്ക്കുന്നതാണ് ചിത്രം. രസകരമായ അടിക്കുറിപ്പിനൊപ്പമാണ് താരം ചിത്രം പങ്കുവെച്ചത്.
'എന്റെ ടൈംലൈനില് ഇടയ്ക്കിടെ പ്രത്യക്ഷപ്പെടുന്ന ചിത്രമാണിത്. 25 വര്ഷം പഴക്കുമുണ്ടിതിന്. സോഷ്യല് മീഡിയയോ ഇന്റര്നെറ്റോ ഇല്ലാത്ത കാലത്തെ ഫോട്ടോഷൂട്ട് ആണിത്. ഇത് ഇന്നാണ് റിലീസ് ചെയ്തിരുന്നതെങ്കിലുള്ള പ്രതികരണം എന്തായിരിക്കുമെന്ന് അത്ഭുതപ്പെടാറുണ്ട്.' ചിത്രം പങ്കുവെച്ചു കൊണ്ട്മിലിന്ദ് ട്വിറ്ററില് കുറിച്ചു.
