ബംഗളുരു: നേത്രാവതി നദിയില് മുങ്ങിത്താഴുന്ന യുവാവിനെ രക്ഷിക്കാനുള്ള ശ്രമത്തെ വര്ഗീയ ആക്രമണമായി ചിത്രീകരിച്ച് ബി.ജെ.പി എം.പി ശോഭ കരന്തലജെ. നേത്രാവതി നദിയില് മുങ്ങിപ്പോയ നിഷാന്ത് എന്ന യുവാവിനെ രഷിക്കാന് മുഹമ്മദ്, ആരിഫ്, ഷമീര്, തൗഹീദ്, മുക്താര് എന്നിവര് ശ്രമിച്ച സംഭവമാണ് വര്ഗീയമായി ചിത്രീകരിക്കാന് ശ്രമിച്ചത്.
ഹിന്ദു യുവാവിനെ മുസ്ലീങ്ങള് കൊല്ലാന് ശ്രമിക്കുന്നു എന്ന രീതിയിലാണ് ബി.ജെ.പി എം.പി ശോഭ കരന്തലജെയും ബി.ജെ.പി അനുകൂല പ്രൊഫൈലുകളും പ്രചരിപ്പിച്ചത്. ഹൈന്ദവ സംഘടനയില് പ്രവര്ത്തിക്കുന്ന യുവാവിനെ ജിഹാദികള് കൊല്ലാന് ശ്രമിച്ചുവെന്നും ഇതിനെതിരെ നടപടി സ്വീകരിക്കണമെന്ന് കേന്ദ്ര ആഭ്യന്തര മന്ത്രി അമിത് ഷായോട് ആവശ്യപ്പെട്ടിട്ടുണ്ടെന്നും ശോഭ കരന്തലജെ ട്വീറ്റ് ചെയ്തിരുന്നു.
നേത്രാവതി നദിയിലാണ് യുവാവ് ചാടിയത്. സ്കൂട്ടറില് എത്തിയ ശേഷം ചാടുകയായിരുന്നു. നദിയില് മത്സ്യബന്ധനം നടത്തുകയായിരുന്ന മുഹമ്മദ് എന്നയാള് ഉടന് തന്നെ സുഹുത്തുക്കളെയും കൂട്ടി യുവാവിനെ പുറത്തെടുത്തു. എന്നാല് പിന്നീട് ആശുപത്രിയില് ചികിത്സയിലിരിക്കെ യുവാവ് മരണത്തിന് കീഴടങ്ങി. യുവാവിനെ പുഴയില് നിന്ന പുറത്തെടുക്കുന്ന ദൃശ്യങ്ങളാണ് കൊല്ലാന് ശ്രമിക്കുന്നുവെന്ന പേരില് ബി.ജെ.പി എം.പി അടക്കമുള്ളവര് പ്രചരിപ്പിക്കുന്നത്.
