വാഷിങ്ടണ്: ആഫ്രിക്കന് - അമേരിക്കന് വംശജന് ജോര്ജ് ഫ്ളോയ്ഡിന്റെ മരണത്തെ തുടര്ന്ന് പ്രതിഷേധത്തില് പങ്കെടുത്ത അജ്ഞാതര് വാഷിങ്ടണിലെ ഇന്ത്യന് എംബസിക്ക് പുറത്തുള്ള മഹാത്മാ ഗാന്ധിയുടെ പ്രതിമ നശിപ്പിച്ചു. ഫ്ളോയിഡിന്റെ മരണത്തെ തുടര്ന്ന് കനത്ത സംഘര്ഷമാണ് അമേരിക്കയില് നടക്കുന്നത്. ഗാന്ധിയുടെ പ്രതിമ നശിപ്പിച്ചതിനെതിരേ യുഎസ് പോലീസ് അന്വേഷണം ആരംഭിച്ചു.
കഴിഞ്ഞ എട്ടു ദിവസമായി അമേരിക്ക ഒരു സംഘര്ഷ ഭൂമിയാണ്. ഫ്ളോയ്ഡിന്റെ ജന്മനഗരമായ ടെക്സസിലെ ഹൂസ്റ്റണില് പ്രതിഷേധം അലയടിക്കുകയാണ്. ഫ്ളോയ്ഡിന്റെ ബന്ധുക്കളും പ്രതിഷേധക്കാര്ക്കൊപ്പമുണ്ട്. പ്രതിഷേധക്കാര്ക്ക് പ്രസിഡന്റ് ട്രംപിന്റെ മകള് ടിഫാനിയും പിന്തുണ അറിയിച്ചിരുന്നു. 29 നഗരങ്ങളില് കര്ഫ്യൂ പൂര്ണമായും പിന്വലിക്കാനായിട്ടില്ല. പ്രതിഷേധക്കാരെ പിരിച്ചുവിടാന് കണ്ണീര് വാതകം പ്രയോഗിക്കേണ്ട സാഹചര്യവും ഉണ്ടായി.
കറുത്തവര്ഗക്കാര്ക്കെതിരേയുള്ള പോലീസിന്റെ നിലപാടും ക്രൂരതകളുമാണ് പ്രതിഷേധത്തിന് പ്രധാനകാരണം. പ്രതിഷേധം കനത്ത വാഷിങ്ടണ് ഡി.സി.യില് പട്ടാളത്തെ വിന്യസിച്ചു. വൈറ്റ്ഹൗസിനുനേരെ നീങ്ങിയ പ്രതിഷേധക്കാരെ നിരീക്ഷിക്കാന് ഹെലികോപ്റ്ററുകളും എത്തി. ലോസ് ആഞ്ജലസ്, ഫിലാഡല്ഫിയ, അറ്റ്ലാന്റാ, സീറ്റില്, മിനിയാപോളീസ് എന്നിവിടങ്ങളില് പ്രതിഷേധക്കാര് വലിയ റാലികള് നടത്തി.
