മോഹന്ലാല് ചിത്രം 'നാടോടി'യിലൂടെയാണ് നടി മോഹിനി മലയാളത്തിലെത്തിയത്. തുടര്ന്ന് നിരവധി മലയാള സിനിമകളില് വേഷമിട്ടു. തമിഴ്, ഹിന്ദി, കന്നഡ, തെലുഗു, മലയാളം ഭാഷകളിലായി അമ്പതിലേറെ ചിത്രങ്ങളില് അഭിനയിച്ചിട്ടുണ്ട്. 2011ല് 'കളക്ടര്' എന്ന ചിത്രത്തിലാണ് അവസാനമായി അഭിനയിച്ചത്. കോയമ്പത്തൂരില് തമിഴ് ബ്രാഹ്മണകുടുംബത്തില് ജനിച്ച താരത്തിന്റെ ആദ്യത്തെ പേര് മഹാലക്ഷ്മി എന്നായിരുന്നു. സിനിമയിലെത്തിയ ശേഷം താരത്തിന്റെ പേര് മോഹിനി എന്നാക്കുകയായിരുന്നു.
സിനിമയില് നിന്ന ഇടവേളയെടുത്ത താരം മതം മാറുകയും ചെയ്തിരുന്നു. മോഹിനി മതം മാറുകയും സിനിമയില് നിന്ന് ഇടവേളയെടുക്കുകയും ചെയ്തതിന് ഒരു കാരണം മാത്രമായിരുന്നു ഉണ്ടായിരുന്നത്. സ്പോണ്ടിലോസിസ എന്ന രോഗം ബാധിക്കുകയും താരത്തിന് പിന്നീട് അബോര്ഷന് ആകുകയും ചെയ്തിരുന്നു. ഇതില് നിന്ന് താരം മോചിതയായത് ക്രൈസ്തവ വിശ്വാസത്തിലൂടെയായിരുന്നു.
വിഷാദ രോഗത്തിനു അടിമപ്പെട്ട അവസ്ഥയ്ക്കിടയില് വീട്ടുജോലിക്കാരിയില് നിന്നും ബൈബിള് വാങ്ങി വായിക്കാന് താരം ഇടയായി. ബൈബിള് വായന മോഹിനിയുടെ വിഷാദ രോഗം മാറ്റാന് കാരണമായി. അതോടെ മോഹിനി എന്ന ഹിന്ദു പെണ്കുട്ടി ക്രിസ്തു മതം സ്വീകരിക്കാന് തീരുമാനിക്കുകയായിരുന്നു . ക്രൈസ്തവ വിശ്വാസം സ്വീകരിച്ച ശേഷം അമേരിക്കയിലെ സെന്റ്.മൈക്കിള് അക്കാദമിയില് നിന്നും സ്പിരിച്വല് വെല്ഫെയര് ആന്ഡ് ഡെലിവെറന്സ് കൗണ്സലിംഗില് അവര് പഠനം പൂര്ത്തിയാക്കി. ഡിവോഷണല് ടെലിവിഷന് ചാനലുകളിലും ഇവര് സുവിശേഷ പ്രാസംഗികയായി എത്തുന്നുണ്ട്. ഇപ്പോള് വാഷിംഗ്ടണിലെ സിയാറ്റിലില് ഭര്ത്താവ് ഭാരത് പോള് കൃഷ്ണസ്വാമിക്കും മക്കളായ അനിരുദ്ധ് മൈക്കിള് ഭാരത്, അദ്വൈത് ഗബ്രിയേല് ഭാരത് എന്നിവര്ക്കുമൊപ്പമാണ് ക്രിസ്റ്റീന മോഹിനി കഴിയുന്നത്.
