വിഖ്യാത സംഗീതജ്ഞന് കണ്ണൂര് രാജനെക്കുറിച്ച് വാചാലനായി സംഗീതസംവിധായകന് ശരത്. വര്ഷങ്ങള്ക്കു മുന്പു തന്നെ ചെന്നൈയില് വച്ച് കണ്ണൂര് രാജന് മാഷിനോട് പാടാനുള്ള അവസരം ചോദിച്ചുവെന്നും എന്നാല് അദ്ദേഹത്തിന്റെ ചെറുമകള്ക്കു താരാട്ടു പാടാനുള്ള അവസരമാണു ലഭിച്ചതെന്നും ശരത് ഹാസ്യ രൂപേണ പറഞ്ഞു.
ശരതിന്റെ വാക്കുകള് ഇങ്ങനെ,
ആ പേര് ഒരിക്കലും പറയാതിരിക്കാന് സാധിക്കില്ല. അത് അദ്ദേഹം എന്റെ ഭാര്യാപിതാവ് ആയതു കൊണ്ടല്ല, അദ്ദേഹം നമുക്കു ചെയ്തു തന്ന പാട്ടുകള് അതിമനോഹരങ്ങളായതു കൊണ്ടാണ്. അത്രയ്ക്കും അവിസ്മരണീയങ്ങളായ ഗാനങ്ങളാണ് അദ്ദേഹം ചിട്ടപ്പെടുത്തിയത്.
കണ്ണൂര് രാജന് മാഷിനെക്കുറിച്ച് ഞാന് പ്രത്യേകിച്ചൊന്നും പറയേണ്ട ആവശ്യമില്ല. കാരണം അത്രയ്ക്കും മനോഹരങ്ങളായ ഗാനങ്ങളാണ് അദ്ദേഹം നമുക്കായി സമ്മാനിച്ചത്. അദ്ദേഹത്തിന്റെ പാട്ടുകള് പാടുമ്പോഴൊക്കെ മനസില് ഒരു വല്ലാത്ത സന്തോഷം തോന്നും.
വര്ഷങ്ങള്ക്കു മുന്പ് എന്റെ ബന്ധു രാജന് മാമന് പറഞ്ഞിട്ടാണ് ഞാന് അദ്ദേഹത്തെക്കുറിച്ച് അറിഞ്ഞു തുടങ്ങിയത്. രാജന് മാമന് പണ്ട് നാടകങ്ങളില് പാടിക്കൊണ്ടിരുന്നപ്പോള് കണ്ണൂര് രാജന് മാഷ് ആയിരുന്നു നാടക ഗാനങ്ങള്ക്കു സംഗീതം നല്കിയിരുന്നത്. കണ്ണൂര് രാജന് മാഷിന്റെ പാട്ടുകള് അതിഗംഭീരമാണെന്ന് രാജന് മാമന് അന്നേ എന്നോടു പറയുമായിരുന്നു. അങ്ങനെയാണ് ഞാന് അദ്ദേഹത്തെക്കുറിച്ച് കേട്ടത്.
ഒരിക്കല് ചെന്നൈയില് പോയി അദ്ദേഹത്തെ കണ്ടു പാടാന് അവസരം ചോദിച്ചു. പക്ഷേ, വര്ഷങ്ങള്ക്കിപ്പുറം അദ്ദേഹത്തിന്റെ ചെറുമകള്ക്ക് താരാട്ടു പാടാനുള്ള അവസരമാണ് എനിക്കു ലഭിച്ചത്.
