ലാഹോര്: അഞ്ചു മാസത്തെ നീണ്ട കാത്തിരിപ്പിനു ശേഷം ഭാര്യയും ഇന്ത്യന് ടെന്നീസ് താരവുമായ സാനിയയെയും കുഞ്ഞിനേയും കാണാന് പാക്ക് ക്രിക്കറ്റ് താരം ഷുഐബ് മാലിക്. ഭാര്യയ്ക്കും കുഞ്ഞിനും ഒപ്പം സമയം ചിലവഴിക്കാന് അനുവദിക്കണമെന്ന മാലിക്കിന്റെ അഭ്യര്ത്ഥന അംഗീകരിച്ചതായും ഇതിനു ശേഷം താരം ഇംഗ്ലണ്ട് പര്യടനത്തിനുളള ടീമിനൊപ്പം ചേരുമെന്നും പാക്ക് ക്രിക്കറ്റ് കണ്ട്രോള് ബോര്ഡ് അറിയിച്ചു.
ലോക്ഡൗണിനെ തുടര്ന്നാണ് ഭാര്യയേയും കുഞ്ഞിനെയും കാണാന് ഷുഐബിന് കഴിയാതെ പോയത്. ഓഗസ്റ്റ്, സെപ്റ്റംബര് മാസങ്ങളിലാണ് പാക്കിസ്ഥാന്റെ ഇംഗ്ലണ്ട് പര്യടനം. മൂന്നു വീതം ടെസ്റ്റുകളും ട്വന്റി20 മത്സരങ്ങളുമാണ് പരമ്പരയിലുള്ളത്. യാത്രാവിലക്കുകള് നീക്കിയതിനാല് മാലികിന് കുടുംബത്തെ കാണാനുള്ള അവസരം തടയില്ലെന്നും പിസിബി വ്യക്തമാക്കി.
