ഇംഗ്ളണ്ടില് നിന്നും ഇന്ത്യയിലേക്കൊരു ബസ് സര്വീസ്. അതും ബല്ജിയം, പശ്ചിമ ജര്മ്മനി, ആസ്ട്രിയ, യൂഗോസ്ളാവ്യ, ബള്ഗേറിയ, ടര്ക്കി, ഇറാന്, അഫ്ഗാനിസ്ഥാന്, പടിഞ്ഞാറന് പാകിസ്താന് വഴി കിഴക്കേഇന്ത്യയിലേക്ക്. ലണ്ടനിലെ വിക്ടോറിയ കോച്ച് സ്റ്റേഷനില് കൊല്ക്കത്തയിലേക്ക് പോകാന് തയ്യാറാക്കി നിര്ത്തിയിട്ടിരിക്കുന്ന ഒരു ബസിന്റെ ബ്ളാക്ക് ആന്റ് വൈറ്റ് ചിത്രം നെറ്റില് തരംഗമാകുകയാണ്. 1950 കളിലെ ഓര്മ്മകള് പങ്കു വെയ്ക്കുന്ന ചിത്രം ലണ്ടനില് നിന്നും കല്ക്കട്ടയിലേക്ക് ഉണ്ടായിരുന്ന ഒരു ബസ് സര്വീസിന്റെ വിവരമാണ്.
''1970 കളില് വിസ്മയിപ്പിച്ച ലണ്ടന് കല്ക്കത്ത ബസ് സര്വീസ് '' എന്ന തലക്കെട്ടില് ട്വിറ്ററില് പോസ്റ്റ് ചെയ്യപ്പെട്ട ബസിന്റെ വിശേഷത്തിന് വലിയ ശ്രദ്ധയാണ് കിട്ടുന്നത്. 1957 ല് ആദ്യ യാത്ര നടത്തിയ ബസ് പാര്ക്ക് ചെയ്തിരിക്കുന്നതിന്റെ ദൃശ്യമാണ് പുറത്തു വന്നിരിക്കുന്നത്. ആല്ബര്ട്ട് ട്രാവല് ബസിന്റെ യാത്രാ വിശേഷവും വിശിഷ്ടമാണ്. ഇംഗ്ളണ്ട്, ബല്ജിയം, പശ്ചിമ ജര്മ്മനി, ആസ്ട്രിയ, യൂഗോസ്ളാവ്യ, ബള്ഗേറിയ, ടര്ക്കി, ഇറാന്, അഫ്ഗാനിസ്ഥാന്, പശ്ചിമ പാകിസ്താന് വഴി ഇന്ത്യയില് എത്തുന്ന ബസ് ന്യൂഡല്ഹിയില് നിന്നും ആഗ്ര, അലഹബാദ്, ബനാറസ് വഴി കൊല്ക്കത്ത. ഫോട്ടോയ്ക്കൊപ്പം ബസിനുള്ളില് നല്കുന്ന സൗകര്യങ്ങളെ കുറിച്ചുള്ള ബ്രോഷറുമുണ്ട്. ആഡംബര ബസില് വായന, തനിച്ചുറങ്ങാനുള്ള ബങ്കുകള്, യാത്രക്കാര്ക്ക് സന്തോഷിക്കാന് പാട്ടു കേള്ക്കാനുള്ള ടേപ്പ്/റേഡിയോ, ഫാന് ഹീറ്റര് തുടങ്ങിയവയായിരുന്നു ബസിലെ സൗകര്യങ്ങള്. ''യാത്ര ചെയ്താലും പൂര്ണ്ണമായും വീട്ടിലെപോലെ'' എന്നാണ് ബ്രോഷറിലെ പരസ്യവാചകം.
ഗംഗയിലെ ബനാറസ്, താജ്മഹല്, രാജ്പഥ്, റൈന്വാലി, മയൂര സിംഹാസനം എന്നിവയായിരുന്നു ടൂറിന്റെ പ്രധാന സവിശേഷതകള് ന്യൂഡല്ഹി, ടെഹ്റാന്, സാല്സ്ബര്ഗ്, കാബൂള്, ഇസ്താംബൂള്, വീയന്ന എന്നിവിടങ്ങളില് യാത്രക്കാര്ക്ക് സൗജന്യ ഷോപ്പിംഗ് അനുവദിച്ചിരുന്നു. ഒരു ഭാഗത്തേക്ക് മാത്രമുള്ള യാത്രയ്ക്ക് പക്ഷേ 85 പൗണ്ട് സ്റ്റെര്ലിംഗ് ( ഇപ്പോഴത്തെ 8019 രൂപ) ആയിരുന്നു യാത്രാക്കൂലി. ഈ ടിക്കറ്റില് ഭക്ഷണവും താമസവും ഉള്പ്പെട്ടിരുന്നു. ബസിന്റെ ആദ്യ യാത്ര നടന്നത് 1957 ഏപ്രില് 15 നായിരുന്നു. ജൂണ് 5 ന് കൊല്ക്കത്തയില് എത്തി. ട്വീറ്റില് ഹരം കയറിയിരിക്കുന്ന നെറ്റിസണ്മാര് ഈ സാഹസീക യാത്രക്കാരുടെ വിവരങ്ങള് തേടിക്കൊണ്ടിരിക്കുകയാണ് ഇപ്പോള്.
