കോവിഡ് വ്യാപനത്തിനു പിന്നാലെയാണ് ജനം സാമൂഹിക അകലം പാലി്ചച് തുടങ്ങിയത്. രോഗവ്യാപനത്തിന്റെ തീവ്രത കുറയ്ക്കാന് സാമൂഹിക അകലം പാലിക്കുന്നതിലൂടെ സാധ്യമാണെന്ന് തെളിയിക്കുന്ന പുതിയ പഠനവും പുറത്ത്. തുമ്മുമ്പോഴും ചുമയ്ക്കുമ്പോഴും പുറത്തേയ്ക്ക് തെറിക്കുന്ന ഉമിനീര് കണങ്ങള് നശിക്കുന്നതിന് മുമ്പ് എട്ട് മുതല് 13 അടി വരെ സഞ്ചരിക്കുമെന്നാണ് പഠനം വ്യക്തമാക്കിയിരിക്കുന്നത്. ഫിസിക്സ് ഓഫ് ജേണലിലാണ് ഇതു സംബന്ധിച്ച കണ്ടെത്തലുകള് നല്കിയിരിക്കുന്നത്.
ബെംഗളുരു ഇന്ത്യന് ഇന്സ്റ്റിറ്റയൂട്ട് ഓഫ് സയന്സിലെ ഗവേഷകര് ഉള്പ്പെടുന്ന സംഘമാണ് പഠനം നടത്തിയത്. കൊറോണ വൈറസ് വ്യാപനത്തിന് ഉമിനീര് കണങ്ങള് കാരണമാകുന്നുവെന്ന് തുടക്കത്തില് തന്നെ കണ്ടെത്തിയിരുന്നു.
കോവിഡ് ബാധിതനായ ഒരാളുടെ ഉമിനീരും ആരോഗ്യവാനായ ഒരാളുടെ ഉമിനീരും തമ്മില് പരിശോധിച്ചാണ് പഠനം നടത്തിയത്. കാറ്റില്ലാത്ത അനുയോജ്യമായ പ്രദേശത്ത് ആണെങ്കില് ഉമിനീര് കണങ്ങള് 13 അടി വരെ സഞ്ചരിക്കും. അതിനാല് സാമൂഹിക അകലം പാലിക്കുന്നത് രോഗവ്യാപനത്തിന്റെ തീവ്രത കുറയ്ക്കുമെന്നാണ് പഠനം വ്യക്തമാക്കുന്നത്.
