ലോക്ക്ഡൗണ് കാലത്ത് വര്ധിച്ചു വരുന്ന വെെദ്യുതി ബില് താരങ്ങള്ക്ക് തലവേദനയാവുകയാണ്. ബോളിവുഡ് താരങ്ങളായ താപ്സി പന്നു അടക്കമുള്ളവര് ബില്ലിലുണ്ടായ അസ്വാഭാവികമായ വര്ധനവിനെ ചൂണ്ടിക്കാണിച്ചു കൊണ്ട് രംഗത്ത് വന്നിരുന്നു. ഇപ്പോഴിതാ നടന് അര്ഷദ് വാര്സിയും തന്റെ ആശങ്ക രേഖപ്പെടുത്തി രംഗത്ത് എത്തിയിരിക്കുകയാണ്. തമാശ കലര്ന്ന ട്വീറ്റിലൂടെയായിരുന്നു അര്ഷദിന്റെ പ്രതികരണം.
തന്റെ അക്കൗണ്ടില് നിന്നും കറന്റ് ബില്ലിനായി ഒരു ലക്ഷത്തിലധികം രൂപ പിന്വലിച്ചെന്നായിരുന്നു അര്ഷദിന്റെ ട്വീറ്റ്. പിന്നാലെ തന്റെ പെയിന്റിങ്ങുകളെ കുറിച്ചുള്ള ആര്ട്ടിക്കിള് പങ്കുവച്ചു കൊണ്ടായിരുന്നു അര്ഷദിന്റെ പ്രതികരണം. കറന്റ് ബില്ല് അടക്കാന് തന്നെ സഹായിക്കണമെന്നായിരുന്നു അര്ഷദിന്റെ ട്വീറ്റ്. ഇതിനായി തന്റെ പെയിന്റുങ്ങുകള് വാങ്ങി എല്ലാവരും സഹായിക്കണമെന്നും അര്ഷദ് പറഞ്ഞു. അദാനി ഇലക്ട്രിക് ആണ് അര്ഷദിന്റെ വീട്ടില് വെെദ്യുതി എത്തിക്കുന്നത്.
അടുത്ത തവണ താന് വിക്കാന് പോകുന്നത് തന്റെ കിഡ്നിയായിരിക്കുമെന്നും അര്ഷദ് തമാശരൂപേണ പറയുന്നു. രസകമായ ട്വീറ്റ് ഇതിനോടകം തന്നെ സോഷ്യല് മീഡിയയില് വെെറലായി മാറിയിരിക്കുകയാണ്. നിരവധി താരങ്ങള് പ്രതികരണവുമായി എത്തിയിട്ടുണ്ട്.
എന്നാല് പിന്നീട് അദാനി ഇലക്ട്രിക് മുംബെെ താനുമായി ബന്ധപ്പെട്ടെന്ന് അര്ഷദ് അറിയിച്ചു. ബില്ലിലുണ്ടായ ആശങ്ക പരിഹരിച്ചെന്നും താരം വ്യക്തമാക്കി. ആകെ ചെയ്യേണ്ടത് അവരെ ബന്ധപ്പെടുക മാത്രമായിരുന്നുവെന്നും താരം തമാശയായി പറഞ്ഞു.
