മോഡലും നടനുമായ മിലിന്ദ് സോമനെ പോലെ തന്നെ അദ്ദേഹത്തിന്റെ അമ്മ ഉഷ സോമനും സുപരിചിതനാണ്. ഫിറ്റ്നസില് വിട്ടുവീഴ്ച ചെയ്യാത്ത അമ്മയുടെ നിരവധി വീഡിയോകള് മിലിന്ദ് സോഷ്യല് മീഡിയകളില് പങ്കു വെയ്ക്കാറുണ്ട്. ഇപ്പോള് 81-ാം പിറന്നാള് ആഘോഷത്തിന്റെ ഭാഗമായി പുഷ് അപ്പ് ചെയ്യുന്ന ഉഷാ സോമന്റെ വീഡിയോ പങ്കുവെച്ചിരിക്കുകയാണ് മിലിന്ദ്.
ജൂലൈ മൂന്നിനായിരുന്നു ഉഷ സോമന്റെ പിറന്നാള്. സാംബിയയില് ബംജീ ജംപിങ് ചെയ്യണം എന്നായിരുന്നു ഉഷയുടെ ആഗ്രഹം. എന്നാല് കോവിഡും ലോക്ക്ഡൗണും ഒക്കെ കാരണം അത് നടന്നില്ല. വീട്ടില് മകന് മിലിന്ദിനും മരുമകള് അങ്കിതയ്ക്കുമൊപ്പമാക്കി ഉഷയുടെ പിറന്നാള് ആഘോഷം. ഇതില് നിന്നുള്ള വീഡിയോ ആണ് സമൂഹമാധ്യമത്തില് വൈറലായിരിക്കുന്നത്.
പതിനഞ്ചു പുഷ്അപ്പുകളെടുത്ത് അങ്കിത ബേക് ചെയ്ത ജാഗരി വാനില ആല്മണ്ട് കേക്ക് കഴിച്ച് അമ്മ പിറന്നാള് ആഘോഷിച്ചു എന്ന കുറിപ്പോടെയാണ് മിലിന്ദ് വീഡിയോ
പങ്കുവച്ചിരിക്കുന്നത്. സാരിയുടുത്ത് അനായാസേന ഉഷ പുഷ്അപ്പെടുക്കുന്നതാണ് വീഡിയോയിലുള്ളത്.
