മമ്മൂട്ടി നായകനായി എത്തിയ ചിത്രമായിരുന്നു കസബ. ചിത്രം റിലീസ് ചെയ്ത് നാല് വര്ഷം പിന്നിടുമ്പോള് സിനിമയ്ക്ക് രണ്ടാംഭാഗം ഉണ്ടായേക്കും എന്ന സൂചന നല്കുകയാണ് നിര്മാതാവ് ജോബി ജോര്ജ്. 'വിധി അനുകൂലമായാല് വീണ്ടും ഒരു വരവ് കൂടി വരും രാജന് സക്കറിയ', എന്ന് ജോബി ജോര്ജ് ഫെയ്സ്ബുക്കില് കുറിച്ചു.
'നാല് കൊല്ലം മുമ്പ് ഈ സമയം.. അവസാന മിനുക്കുപണികളില് ആയിരുന്നു നാളെത്തെ ദിനത്തിന് വേണ്ടി.. അതെ എന്റെ രാജന് സക്കറിയയുടെ വരവിനു വേണ്ടി.. ആണായി പിറന്ന.. പൗരുഷത്തിന്റെ പൊന്നില് ചാലിച്ച പ്രതിരൂപം ആര്ക്കും എന്തും പറയാം എന്നാലും എനിക്കറിയാം ഈ രാജന്, രാജാവ് തന്നെയാണ് മലയാള സിനിമയുടെ രാജാവ്.. വിധി അനുകൂലമായാല് വീണ്ടും ഒരു വരവ് കൂടി വരും രാജന് സക്കറിയ'-ജോബി ജോര്ജ് കുറിച്ചു.
രഞ്ജി പണിക്കരുടെ മകന് നിതിന് രഞ്ജി പണിക്കര് ആദ്യമായി തിരക്കഥ എഴുതി സംവിധാനം ചെയ്ത ചിത്രമാണ് 'കസബ'. മമ്മൂട്ടിയുടെ രാജന് സക്കറിയ എന്ന കഥാപാത്രം സ്ത്രീവിരുദ്ധതയുടെ പേരിലും വിമര്ശിക്കപ്പെട്ടിരുന്നു.
