മലയാളത്തിലും തമിഴിലും തെലുങ്കിലും കന്നഡയിലും ഹിന്ദിയിലുമൊക്കെയായി മുന്നൂറിലേറെ സിനിമകളില് അഭിനയിച്ച മുതിര്ന്ന നടിയാണ് സീമ. സീമ സിനിമയിലെത്തിയിട്ട് 49 വര്ഷമാകുന്നു. ഇപ്പോഴും സിനിമയിലും മിനി സ്ക്രീനിലും സജീവമായ താരത്തിന്റെ ബാല്യകാലത്തെക്കുറിച്ചും അച്ഛനെക്കുറിച്ചുമൊക്കെയുള്ള തുറന്നു പറച്ചിലാണ് ശ്രദ്ധേയമാകുന്നത്.
'' അച്ഛന് കൂടെ നിന്നാണ് എന്നെ വളര്ത്തിയതെങ്കില് ഒരുപക്ഷേ ഞാന് ഇങ്ങനെയാവുമായിരുന്നില്ല. ചിലപ്പോ ആയാലും ആ കഷ്ടപ്പാട് അറിയില്ല. എല്ലാവരുമായും സഹകരിച്ചും സൗഹൃദത്തിലും പോവുന്നത് കഷ്ടപ്പാട് അറിഞ്ഞതിനാലാണ്. ശശിയേട്ടനുമായുള്ള വിവാഹത്തെ അച്ഛന് എതിര്ത്തിരുന്നു. അദ്ദേഹത്തെ കെട്ടാന് പാടില്ല, അത് ശരിയാവില്ല എന്നായിരുന്നു പറഞ്ഞത്. മേജറായതിന് ശേഷം അച്ഛന് കൂടെ വന്നേക്കണമെന്ന് പറഞ്ഞ് വിളിക്കാന് വന്നിരുന്നു.
മോള്ക്ക് ഇഷ്ടമാണെങ്കില് പോയ്ക്കോളൂയെന്നായിരുന്നു അമ്മ പറഞ്ഞത്. എന്നാല് ഞാന് പോയില്ല, ഞാന് പോയാല് അമ്മയ്ക്ക് ആരാണ്. അച്ഛന് രണ്ടാം ഭാര്യയും മക്കളുമുണ്ടായിരുന്നു. വിവാഹത്തിന് അച്ഛന് വരാതിരിക്കുന്നതാണ് നല്ലതെന്നായിരുന്നു പറഞ്ഞത്. വന്നാലും അമ്മ ഇങ്ങനെയൊരാളെ വെച്ചോണ്ടിരിക്കുന്നുവെന്നല്ലാതെ അച്ഛനാണെന്ന് എല്ലാവര്ക്കും മനസ്സിലാവില്ലെന്നുമായിരുന്നു ഞാന് പറഞ്ഞത് '' - സീമ പറയുന്നു
