മരണത്തെ പോലും അവയവദാനത്തിലൂടെ തോല്പ്പിച്ച യുവാവാണ് ഇരുമ്പനങ്ങാട് വിഷ്ണു മന്ദിരത്തില് അനുജിത്ത്. ഇപ്പോള് അനുജിത്തിന്റെ കുടുംബത്തിന് ആശ്വാസമേകി എത്തിയിരിക്കുകയാണ് നടന് മോഹന്ലാലിന്റെ ഫോണ് കോള്. അനുജിത്തിന്റെ ഭാര്യ പ്രിന്സി രാജുവിനെ മോഹന്ലാല് ഫോണില് വിളിച്ചു. അവയവദാനത്തിലൂടെ 8 പേര്ക്കു പുതുജീവിതം സമ്മാനിച്ച അനുജിത്ത് മനുഷ്യസ്നേഹത്തിന്റെ ഉത്തമ മാതൃകയാണെന്നും നാടിന് അഭിമാനമാണെന്നും ലാല് പറഞ്ഞു.
അപ്രതീക്ഷിതമായി ഭര്ത്താവിന്റെ വിയോഗം അറിഞ്ഞ് ആഘാതത്തില് ആയെങ്കിലും പ്രിന്സി അവയവദാനമെന്ന ആഗ്രഹത്തിന് പൂര്ണ പിന്തുണ നല്കി. പ്രിന്സിയുടെ ഈ പ്രവര്ത്തിയെ മോഹന്ലാല് അനുമോദിക്കുകയും ചെയ്തു. അനുജിത്തിന്റെ മകന് മൂന്നു വയസ്സുകാരന് എഡ്വിനോടും സംസാരിച്ചു. മോഹന്ലാല് അങ്കിളാണെന്നു പറഞ്ഞു പരിചയപ്പെടുത്തിയപ്പോള് അവന് മറുപടിയും പറഞ്ഞു.
വീണ്ടും വിളിക്കാമെന്നു പറഞ്ഞാണ് മോഹന്ലാല് ഫോണ് വച്ചത്. കുടുംബത്തെ സഹായിക്കാന് എന്തു ചെയ്യാനാകും എന്ന കാര്യത്തില് മോഹന്ലാല് അഭിപ്രായം ആരാഞ്ഞതായി മൃതസഞ്ജീവനി സംസ്ഥാന നോഡല് ഓഫിസര് ഡോ.നോബിള് ഗ്രേഷ്യസ് പറഞ്ഞു. സംസ്ഥാന സര്ക്കാരിന്റെ അവയവദാന പദ്ധതിയായ മൃതസഞ്ജീവനിയുടെ ബ്രാന്ഡ് അംബാസഡര് കൂടിയാണ് മോഹന്ലാല്.
