പട്ന: അയോധ്യ രാമക്ഷേത്രത്തെ കുറിച്ചുള്ള വിവരങ്ങള് ചെമ്പ് പേടകത്തിലാക്കി 2000 അടി താഴ്ചയില് നിക്ഷേപിക്കും. പുതിയതായി ക്ഷേത്രം നിര്മിക്കുന്ന സ്ഥലത്ത് 2000 അടി താഴെയാകും ഈ ഫലകം സ്ഥാപിക്കുക.
തര്ക്കങ്ങള് ഭാവിയില് ഉണ്ടാകാതിരിക്കാന് ക്ഷേത്രവുമായും ഭൂമിയുമായും ബന്ധപ്പെട്ട ചരിത്രവസ്തുതകള് രേഖപ്പെടുത്തിയ പേടകം പുതിയ ക്ഷേത്രത്തിനടിയില് നിക്ഷേപിക്കാന് തീരുമാനം. ക്ഷേത്രത്തേപ്പറ്റിയുള്ള ഓരോ കാലത്തെയും വിവരങ്ങള് പ്രത്യേക പേടകത്തില് വെച്ച് സ്ഥാപിക്കും. ഭാവിയില് എന്തെങ്കിലും തര്ക്കങ്ങള് ഉണ്ടായാല് ക്ഷേത്രത്തേപ്പറ്റിയുള്ള ചരിത്ര വസ്തുതകള് അറിയാന് ഇത് പുറത്തെടുക്കുന്നതിലൂടെ ഉപകരിക്കും.
ചെമ്പില് നിര്മിച്ച പേടകത്തിനകത്തായിരിക്കും ഈ വിവരങ്ങള് രേഖപ്പെടുത്തിയിട്ടുണ്ടാവുക. ക്ഷേത്ര നിര്മാണത്തിന്റെ ചുമതലയിലുള്ള രാം ജന്മഭൂമി തീര്ഥ് ക്ഷേത്ര ട്രസ്റ്റാണ് ഇക്കാര്യം അറിയിച്ചത്.
ഭൂമിപൂജ ഓഗസ്റ്റ് അഞ്ചിന് പ്രധാനമന്ത്രി നരേന്ദ്ര മോദി നിര്വഹിക്കുമെന്നും ട്രസ്റ്റ് അംഗം കാമേശ്വര് ചൗപല് വ്യക്തമാക്കി.
