കൊല്ക്കത്തയിലെ അശുതോഷ് കോളേജില് ബി എ ഓണേഴ്സിന്റെ മെരിറ്റ് ലിസ്റ്റില് ഒന്നാമത് എത്തിയതിന് പിന്നാലെ ബോളിവുഡിലെ മാദക താരവും മുന് പോണ് നടിയുമായ സണ്ണിലിയോണിന്റെ പേര് കൊല്ക്കത്തയിലെ രണ്ടാമത്തെ കോളേജിന്റെ മെരിറ്റ് ലിസ്റ്റിലും മുകളില്. ഇത്തവണ സൗത്ത് 24 പര്ഗാനയിലെ ബഡ്ജ് ബഡ്ജ് കോളേജിലെ രണ്ടു വിഷങ്ങളുടെ പട്ടികയിലാണ് ഇത്തവണ സണ്ണി ലിയോണ് അഡ്മിഷന് യോഗ്യത നേടിയിരിക്കുന്നത്.
വെള്ളിയാഴ.ച കൊല്ക്കത്തയിലെ അശുതോഷ് കോളേജിന്റെ മെരിറ്റ് ലിസ്റ്റില് സണ്ണിലിയോണിന്റെ പേര് രണ്ടാമതായത് മാധ്യമങ്ങള് വലിയ വാര്ത്തയാക്കിയിരുന്നു. ഇതിന് പിന്നാലെ ഇത്തവണ ഇംഗ്ലീഷ്, ബംഗാളി ഓണേഴ്സ് കോഴ്സുകള്ക്കുള്ള മെരിറ്റ് പട്ടികയിലാണ് താരമുള്ളത്. 2020-21 കോഴ്സുകളിലേക്ക് സണ്ണി ലിയോണ് മെരിറ്റില് ഉള്പ്പെട്ടിരിക്കുന്ന പട്ടികയുടെ സ്ക്രീന്ഷോട്ട് ഇപ്പോള് സാമൂഹ്യ മാധ്യമങ്ങളില് വൈറലായി മാറിയിട്ടുണ്ട്. ജനറല് ക്യാറ്റഗറിയില് അഡ്മിഷന് അനുവദിക്കപ്പെട്ടിരിക്കുന്ന സണ്ണി ലിയോണിന് പശ്ചിമ ബംഗാള് കൗണ്സില് ഓഫ് ഹയര് സെക്കണ്ടറി എഡ്യൂക്കേഷന്റെ 12 ാം ക്ലാസ്സ് പരീക്ഷയില് 400 മാര്ക്ക് നേടിയതായിട്ടാണ് കാണിച്ചിട്ടുള്ളത്.
അതേസമയം തമാശ ബോളിവുഡ് നടിയും നന്നായി ആസ്വദിച്ചു. ''കോളേജിലെ അടുത്ത സെമസ്റ്ററില് എന്റെ ക്ലാസ്സിലെ എല്ലാവരേയും കാണാമെന്ന് കരുതുന്നു'' സണ്ണി ലിയോണ് വെള്ളിയാഴ്ച ട്വീറ്റ് ചെയ്തു. സണ്ണിലിയോണിന്റെ പേരില് ഏതോ വിരുതന് നല്കിയ അപേക്ഷ ഇപ്പോള് സാമൂഹ്യ മാധ്യമങ്ങളില് വലിയ ചിരിയാണ് സമ്മാനിച്ചിരിക്കുന്നത്. അതേസമയം അശുതോഷ് കോളേജ് അധികൃതര് സംഭവത്തെ ഗൗരവമായി എടുത്തിരിക്കുകയാണ്. പോലീസില് പരാതി നല്കിയിട്ടുണ്ട്. സംഭവത്തില് അന്വേഷണം നടത്തുമെന്ന് പ്രഖ്യാപിച്ചിരിക്കുന്ന അധികൃതര് അഡ്മിഷന് ഡിപ്പാര്ട്ട്മെന്റിനോട് തെറ്റ് തിരുത്താനും ആവശ്യപ്പെട്ടിരിക്കുകയാണ്.
സംഭവം കോളേജുകളും ഓണ്ലൈന് അഡ്മിഷന് നടപടികളെ വലിയ ചോദ്യ ചിഹ്നമാക്കി മാറ്റിയിരിക്കുകയാണ്. നേരത്തേ 2019 ലോക് സഭാ തെരഞ്ഞെടുപ്പില് ഒരു മാധ്യമപ്രവര്ത്തകന് സണ്ണിലിയോണ് ലീഡ് ചെയ്യുന്നതായി പറയുന്നതിന്റെ വീഡിയോ സാമൂഹ്യ മാധ്യമങ്ങളില് വൈറലായിരുന്നു. അടുത്തിടെ ബിജെപിയില് ചേര്ന്ന ബോളിവുഡിലെ താരവും മുന് സൂപ്പര്താരം ധര്മ്മേന്ദ്രയുടെ പുത്രനായ സണ്ണി ഡിയോളിന്റെ ഫലമായിരുന്നു മാധ്യമപ്രവര്ത്തകന് ഉദ്ദേശിച്ചത്.
