മലയാള സിനിമ താരങ്ങളുടെ വര്ക്കൗട്ട് ചിത്രങ്ങളാണ് ഇപ്പോള് സോഷ്യല് മീഡിയയിലെ പ്രധാന ചര്ച്ചകളിലൊന്ന്. നടന്മാരായ പൃഥ്വിരാജും ടൊവിനോ തോമസുമാണ് തങ്ങളുടെ ചിത്രങ്ങളും വീഡിയോകളും പങ്കുവച്ച് രംഗത്ത് എത്തിയത്. എന്നാല് ഇപ്പോഴിതാ നടി പാര്വതിയും തന്റെ വര്ക്കൗട്ട് ചിത്രങ്ങള് പങ്കുവച്ചിരിക്കുകയാണ്.
കറുത്ത വസ്ത്രമണിഞ്ഞ് വര്ക്കൗട്ട് ചെയ്യുന്ന തന്റെ ചിത്രങ്ങളാണ് പാര്വതി പങ്കുവച്ചിരിക്കുന്നത്. ചിത്രങ്ങള് വെെറലായി മാറുകയാണ്. താരങ്ങളും ആരാധകരും കമന്റുകളുമായി എത്തിയിട്ടുണ്ട്.
വര്ക്കൗട്ട് ചിത്രവുമായി പൃഥ്വിരാജ് നേരത്തെ എത്തിയിരുന്നു. ഇന്നലെ താരം പങ്കുവച്ച വീഡിയോ വെെറലായിരുന്നു. ഇതിന് പിന്നാലെയാണ് പുതിയ ചിത്രവുമായി എത്തിയത്. പായസം കഴിച്ചതിന് ശേഷം കാണാന് ചെറിയ മാറ്റമുണ്ടായേക്കാം എന്നാണ് പൃഥ്വി പറയുന്നത്. ചിത്രത്തിന് കമന്റുമായി താരങ്ങളുമെത്തിയിട്ടുണ്ട്.
വെയ്റ്റ് എടുക്കുന്ന വീഡിയോയാണ് പൃഥ്വിരാജ് ഇന്നലെ പങ്കുവച്ചത്. 130 കിലോയാണ് പൃഥ്വിരാജ് ഉയര്ത്തുന്നത്. അഞ്ച് പ്രാവശ്യമാണ് പൃഥ്വിരാജ് ഭാരം ഉയര്ത്തുന്നത്. ടൊവിനോയുടെ വര്ക്കൗട്ട് ചിത്രവും വെെറലായി മാറിയിരുന്നു. ടൊവിനോയും ടോവിനോയുടെ പിതാവ് അഡ്വ: ഇല്ലിക്കൽ തോമസും ജിമ്മിൽ വർക്ക് ഔട്ട് ചെയ്യുന്ന ചിത്രവും സമൂഹമാധ്യമങ്ങളിൽ ശ്രദ്ധ നേടിയിരുന്നു.
