ആരാധകര്ക്ക് ഓണാശംസകളുമായി മമ്മൂട്ടി. സോഷ്യല് മീഡിയയിലൂടെയായിരുന്നു മെഗാസ്റ്റാറിന്റെ ആശംസ. കൊറോണക്കാലത്തെ ഓണമായതിനാല് ജാഗ്രത പുലര്ത്തേണ്ടതിന്റെ പ്രാധാന്യത്തെ കുറിച്ചും മമ്മൂട്ടി പറയുന്നുണ്ട്. 'എല്ലാവര്ക്കും ഓണാശംസകള്. ഈ ഓണം ആഘോഷിക്കാവുന്ന മനുഷ്യാവസ്ഥയിലല്ല നമ്മള്. എങ്കിലും നമ്മളുടെ ചെറിയ ചെറിയ സൗകര്യങ്ങളിലും മറ്റും സന്തോഷം കണ്ടെത്തണം. ചെറിയ സന്തോഷങ്ങളില് നമ്മള് എപ്പോഴും സന്തോഷം കണ്ടെത്തണം' എന്ന് മമ്മൂട്ടി ഫെയ്സ്ബുക്കില് പങ്കുവച്ച വീഡിയയോയില് പറയുന്നു.
നമ്മളെ ചൂഴ്ന്നു നില്ക്കുന്ന ഈ ദുരന്തം നമ്മളെ വിട്ടുമാറുന്നത് വരെ സന്തോഷിക്കാന് പറ്റിയില്ലെന്ന് വരാം. ഈ ദുരന്തത്തിനെതിരെയുള്ള ജാഗ്രത മറന്നു കൂടെന്നും സന്തോഷവും സാഹോദര്യവും പോലെ ജാഗ്രതയും വേണമെന്നും മമ്മൂട്ടി പറഞ്ഞു.
ഓണനാളില് ആശംസകളുമായി മലയാള സിനിമാ താരങ്ങളും എത്തിയിരിക്കുകയാണ്. കുഞ്ചാക്കോ ബോബന്, ഇന്ദ്രജിത്ത്, മോഹന്ലാല്, ജയറാം, നിവിന് പോളി തുടങ്ങിയ താരങ്ങളെല്ലാം ഓണാശംസകളുമായി എത്തിയിട്ടുണ്ട്. സോഷ്യല് മീഡിയയിലൂടെയാണ് താരങ്ങള് തങ്ങളുടെ ആശംസകള് നേര്ന്നത്.
കുടുംബസമേതമാണ് ജയറാമും ഇന്ദ്രജിത്തും കുഞ്ചാക്കോ ബോബനും ആശംസകള് നേരുന്നത്. വിദേശത്താണെങ്കിലും കുടുംബത്തോടൊപ്പം തന്നെ ആശംസകളുമായി ബാബു ആന്റണിയുമെത്തിയിട്ടുണ്ട്. ഓണ നാളില് പ്രത്യേക ഫോട്ടോഷൂട്ടുമായും ചില താരങ്ങള് എത്തിയിട്ടുണ്ട്.
