മാസ്ക്, സാനിറ്റൈസര് എന്നിവ ഉപയോഗിക്കുക, സാമൂഹിക അകലം പാലിക്കുക, ഹസ്തദാനം ഒഴിവാക്കുക എന്നിങ്ങനെയുള്ള കാര്യങ്ങള് രാജ്യം ശീലിച്ച് തുടങ്ങിയിട്ട് മാസങ്ങളായി. എന്നാല് കഴിഞ്ഞ പാര്ലമെന്റ് സമ്മേളനത്തില് തന്നെ ഈ രീതിക്ക് തുടക്കമിട്ട് മാതൃക കാട്ടിയ വ്യക്തിയാണ് അല്ഫോണ്സ് കണ്ണന്താനം എം.പി. എന്നാല് അന്ന് നേരിട്ടത് തികഞ്ഞ പരിഹാസമാണെന്നും അദ്ദേഹം പറയുന്നു.
കഴിഞ്ഞ തവണ പാര്ലമെന്റ് സമ്മേളനത്തില് പങ്കെടുക്കാന് പോയത് 'മാസ്ക്കും സാനിറ്റൈസറുെമാക്കെയായിട്ടാണ്. അന്ന് എല്ലാവര്ക്കും പരമ പുച്ഛമായിരുന്നു. എന്തുവട്ടാണ് കാണിക്കുന്നെന്ന് ചിന്തിച്ചവരുണ്ട്.
ഞാന് എല്ലാവര്ക്കും സാനിറ്റൈസര് കൊടുക്കുകയും ഹസ്തദാനം ഒഴിവാക്കി നമസ്കാരം പറയുകയുമൊക്കെ ചെയ്തപ്പോള് അന്ന് പരിഹാസത്തോടെയാണ് എല്ലാവരും കണ്ടത്. എന്നാല് ഇന്ന് എല്ലാവരും അതുപോലെ ചെയ്യേണ്ടിവരുന്നു.' അദ്ദേഹം കൂട്ടിച്ചേര്ത്തു.
